କୃଷକ ମାନଙ୍କ ଦ୍ୱାରା ମାଟି ସଂଗ୍ରହ , ଗୋମାତାପୂଜନ କାର୍ଯ୍ୟ ଦ୍ୱାରା ରାଷ୍ଟ୍ରୀୟ ନବବର୍ଷ ଉତ୍ସବ ପାଳନ
ବୋଲଗଡ଼, (ଯୁଗାବ୍ଦ ନ୍ୟୁଜ) : ବ୍ଲକ ଶିକ୍ଷା ଅଧୀନ ସରସ୍ୱତୀ ଶିଶୁ ବିଦ୍ୟାମନ୍ଦିର ପକ୍ଷରୁ ରାଷ୍ଟ୍ରୀୟ ନବବର୍ଷ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରାତଃ ସମୟରେ ଭୂମିପୂଜନ, ହୋମଯଜ୍ଞ, କୃଷକ ମାନଙ୍କ ଦ୍ୱାରା ମାଟି ସଂଗ୍ରହ , ଗୋମାତାପୂଜନ କାର୍ଯ୍ୟ ସମାପନ କରଯାଇଥିବା ବେଳେ ପୂର୍ବାହ୍ନରେ ବୃକ୍ଷ ରୋପଣ ଓ ଜୈବିକ ସାର ପ୍ରୟୋଗ ଉପାଦେୟ ସମ୍ପର୍କରେ ଏକ ସଚେତନା କାର୍ଯ୍ୟକ୍ରମ କରାଯାଇଥିଲା । ଉକ୍ତକାର୍ଯ୍ଯକ୍ରମରେ ୬ ଗୋଟି ପଂଚାୟତର ବହୁ କୃଷକ ଓ ଗୋପାଳକ ଯୋଗଦେଇଥିଲେ । ଏଥିରେ ପଂଚବଟୀ ଗୋ ଅନୁସନ୍ଧାନ କୋସ୍କାର ମୁଖ୍ୟ କମାଲ ଦାସ ଶର୍ମା ଯୋଗଦେଇ ଗୋପାଳନ ସମ୍ପର୍କରେ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମକୁ ଅନୁଷ୍ଠାନର ପ୍ରଧାନ ଆଚାର୍ଯ୍ୟ ବିରଂଚି କୁମାର ସାହୁ ପରିଚାଳନା କରିଥିଲେ । ଅନୁଷ୍ଠାନର ସମସ୍ତ ଗୁରୁଜୀ ଗୁରୁମା ସହଯୋଗ କରିଥିଲେ ।
