କେନ୍ଦ୍ରୀୟ ବନାଞ୍ଚଳ କାର୍ଯ୍ୟାଳୟ ରେ ଖୁସିର ଲହରୀ

ବେଲଗୁଣ୍ଠା ,(ଯୁଗାବ୍ବ ନ୍ୟୁଜ) : ଗଞ୍ଜାମ ଜିଲ୍ଲା ଅନ୍ତର୍ଗତ ଉତ୍ତର ଘୁମୁସର ବନଖଣ୍ଡ ଅଧିନସ୍ତ କେନ୍ଦ୍ରୀୟ ବନାଞ୍ଚଳ କାର୍ଯ୍ୟାଳୟ ସଭା ଗୃହରେ ଉତ୍ତର ଘୁମୁସର ବନଖଣ୍ଡ ଅଧିକାରୀ ଚିର ପୂଜ୍ୟ ଶ୍ରୀ ଅଭୟ କୁମାର ଦଳାଇଙ୍କ ପୌରହିତରେ ସହଯୋଗୀ ବନସରକ୍ଷିକା ଶ୍ରୀମତୀ ଏ ମାଧବୀଲତା ଙ୍କୁ ଶୁଭ ବିଦାୟ ଏବଂ କାର୍ଯ୍ୟ ଦକ୍ଷ ବନାଞ୍ଚଳ ଅଧିକାରୀ ଶ୍ରୀ କୁବେର ବେହେରାଙ୍କୁ ସୁସ୍ବାଗତଂ ଭବ୍ୟ ସମ୍ଭର୍ଧନା ଉତ୍ସବ ମହାସମାରୋହରେ ଆନୁଷ୍ଠାନିକ ଭାବେ ଅନୁଷ୍ଠିତ ହୋଇଯାଇଛି । ଉକ୍ତ ସମ୍ଭରଧନା ଉତ୍ସବରେ ଉଭୟ ବିଦାୟୀ ଏବଂ ନୂତନ ଭାବେ ଅବସ୍ଥାପିତ ବନାଞ୍ଚଳ ଅଧିକାରୀଙ୍କ ସ୍ମୁତି ଓ କାର୍ଯ୍ୟଦକ୍ଷ ତାର ମାନଦଣ୍ଡକୁ ଶ୍ରୀ ଦଳାଇ ଅତି ସୁନ୍ଦର ରୂପରେଖରେ ଅଭିମନ୍ତ୍ରିତ କରିଥିଲେ ।ଏହି ସଭାରେ ଉତ୍ତର ଘୁମୁସର ବନଖଣ୍ଡ ସହକାରୀ ବନସରକ୍ଷକ ଲୋକପ୍ରିୟ ଶ୍ରୀ ସୁଦର୍ଶନ ବାଦି, ବିଷୟବସ୍ତୁ ବିଶେଷଜ୍ଞ କାଁହୁ ଚରଣ ସାହୁ ଏବଂ ଉକ୍ତ ବନଖଣ୍ଡର ସମସ୍ତ କର୍ମଚାରୀ ଯୋଗଦେଇଥିଲେ । କେନ୍ଦ୍ରୀୟ ବନାଞ୍ଚଳ ସମସ୍ତ ବନପାଳ ଶଙ୍କର୍ଷଣ ଗୌଡ଼, ଭେଙ୍କଟ ଦୋରା, ଅନିଲ ପଣ୍ଡା, ମାନସ ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିଲେ. କେନ୍ଦ୍ରୀୟ କ୍ଷେତ୍ରୀୟ ପରିଚାଳନା ସଂସ୍ଥାନ ସଂଯୋଜକ ସନ୍ତୋଷ କୁମାର ଡାକୁଆ ଓ ପ୍ରଶାନ୍ତ ସାହୁ କାର୍ଯ୍ୟକ୍ରମ ସଂଯୋଜନା ଏବଂ ଧନ୍ୟବାଦ ଜ୍ଞାପନ କରିଥିଲେ । ଏଥି ସହ ସମସ୍ତ ବନରଖି ଓ ଅନ୍ୟାନ୍ୟ ସମସ୍ତ କାର୍ଯ୍ୟାଳୟ କର୍ମଚାରୀଙ୍କ ସମେତ ଅବସରପ୍ରାପ୍ତ ବନକର୍ମଚାରୀ ବାନାର୍ଜୀ ବାବୁ ଉପସ୍ଥିତ ରହି ଉତ୍ସlହିଁତ କରିଥିଲେ ।