କୋଭିଡ୍ ଟିକାକରଣ ପାଇଁ ସଚେତନତା ରଥର ଶୁଭାରମ୍ଭ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା) :-ଗଜପତି ଜିଲ୍ଲାପାଳ ଲିଙ୍ଗରାଜ ପଣ୍ଡା କୋଭିଡ୍ ଟିକାକରଣ ପାଇଁ ସଚେତନତା ରଥକୁ ଆଜି ଶୁକ୍ରବାର ଦିନ ସବୁଜ ପତାକା ଦେଖାଇ ଶୁଭ ଉଦ୍ଘାଟନ କରିଛନ୍ତି । ଏହି କାର୍ୟ୍ୟକ୍ରମଟି ଗଜପତି ଜିଲ୍ଲା ପପ୍ରଶାସନ ଓ ଭୁବନେଶ୍ୱରର ଆକ୍ସନଏଡର ମିଳିତ ଉଦ୍ୟମରେ ଜିଲ୍ଲ।।ରେ ଆରମ୍ଭ କରାଯାଇଛି । ତତ୍ରିସ୍ତରୀୟ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି କୋଭିଡ୍ ସମୟରେ କୋଭିଡ୍ କଟକଣାକୁ ମାନିବା ଓ ସମ୍ପୂର୍ଣ୍ଣ ଟିକାକରଣ କରି ନିର୍ବ।ଚନରେ ଭାଗନେବା ତତ ସହିତ ୧୫ ରୁ ୧୮ ବର୍ଷ ବୟସର କିଶୋରୀ ବାଳିକା ଓ ବାଳକ ମାନଙ୍କୁ ଟିକାକରଣରେ ଅନ୍ତରିଭୁକ୍ତ କରାଇବା ନିମନ୍ତେ ଏହି ସଚେତନତା ରଥ ଜିଲ୍ଲାର ସମସ୍ତ ବ୍ଲକୁ ଯାଇ ସଚେତନ କରାଇବ । ଏହି କାର୍ଯ୍ୟକ୍ରମରେ ଜିଲ୍ଲା ସ୍ୱାସ୍ଥ୍ୟ ବିଭାଗର ଯୋଜନା ଅନୁଯାଇ ଉକ୍ତ ସଚେତନତା ରଥ ସହ ସ୍ୱାସ୍ଥ୍ୟ ବିଭାଗର ୫ଜଣିଆ ଟିକାକରଣ ଟିମ୍ ଘରକୁ ଘର ବୁଲି ଟୀକାକରଣ କରାଇବେ । ଏଥି ସହିତ ବ୍ଲକସ୍ତରୀୟ ସ୍ୱାସ୍ଥ୍ୟ କର୍ମୀ, ଆଶା କର୍ମୀ, ଅଙ୍ଗନୱାଡି ଏଥିରେ ଯୋଗଦେଇ ସଚେତନତା ସହ ଟିକାକରଣ ସୁନିଶ୍ଚିତ କରାଇବେ । ଉକ୍ତ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା, ଉପ ଜିଲ୍ଲାପାଳ ଦିଲ୍ଲିପ କୁମାର ମହାରଣା, ଜିଲ୍ଲା ଜରୁରିକାଳୀନ ଅଧିକାରୀ ପ୍ରଭାସ କୁମାର ବେହୁରା, ଜିଲ୍ଲା ପରିବାର କଲ୍ୟାଣ ଅଧିକାରୀ ଡ. ମହେନ୍ଦ୍ର କୁମାର ଭୂୟାଁ, ଜିଲ୍ଲ। କୃଷ୍ଠ ନିର।କରଣ ଅଧିକ।ରିଣୀ ଡ.ଇନ୍ଦିରା କୁମାରୀ ମହ।।ପାତ୍ର, ଜିଲ୍ଲା ଜନ ସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ନେତ୍ରାନନ୍ଦ ଶତପଥୀ, ସୁରକ୍ଷା ଅଧିକାରିଣୀ କେ.ସୁନିତ।, ସଖୀର କେନ୍ଦ୍ର ପରିଚାଳିକା ଭାଗ୍ୟଲକ୍ଷ୍ମୀ ନାୟକ, ଚାଇଲ୍ଡଲାଇନ୍ର କେନ୍ଦ୍ର ପରିଚାଳକ ନାଗେଶ୍ୱର ଚୌଧୁରୀ ପ୍ରମୁଖ ଉପସ୍ଥିତଥିଲେ । ଏହି କାର୍ଯ୍ୟକ୍ରମକୁ ଆକ୍ସନଏଡର ଜିଲ୍ଲା ସଂଯୋଜକ ବିକାଶ କୁମାର ମେହେର ପରିଚାଳନା କରିଥିବା ବେଳେ ଜିଲ୍ଲା ସ୍ୱାସ୍ଥ୍ୟ ବିଭାଗ ଓ ଜିଲ୍ଲା ଶିଶୁ ସୁରକ୍ଷା ୟୁନିଟର କାର୍ଯ୍ୟକର୍ତ୍ତା ଉପସ୍ଥିତଥିଲେ ।
