ଗଜପତିରେ ୫୭ତମ ଗୃହରକ୍ଷୀ ପ୍ରତିଷ୍ଠା ଦିବସ
ପାରଳାଖେମୁଣ୍ଡି,(ତାରିଣୀ ପ୍ରସାଦ ପଣ୍ଡା) – ଗଜପତି ପୋଲିସ ଦ୍ୱାରା ଆଜି ସ୍ଥାନୀୟ ବେତାଗୁଡା ଠାରେ ୫୭ତମ ଜିଲ୍ଲାସ୍ତରୀୟ ଗୃହରକ୍ଷୀ ପ୍ରତିଷ୍ଠା ଦିବସ ପାଳିତ ହୋଇଯାଇଛି । ଗଜପତି ଏସପି ସାରା ଶର୍ମା ଗୃହରକ୍ଷୀ ପ୍ୟାରେଡରେ ଅଭିବାଦନ ଗ୍ରହଣ କରି ଗୃହରକ୍ଷୀ ମାନଙ୍କ କାର୍ଯ୍ୟାବଳି ଉପରେ ଆଲୋକପାତ କରି ପ୍ରତ୍ୟେକ ଗୃହରକ୍ଷୀ ଜନସାଧାରଣ ସେବା ପାଇଁ ନିଜକୁ ନିୟୋଜିତ କରନ୍ତୁ ବୋଲି ଆହ୍ୱାନ ଦେଇଥିଲେ । ଏହି କାର୍ଯ୍ୟକ୍ରମରେ ଗଜପତି ଏଏସପି ସୀତାରାମ ଶତପଥୀ,ଏସଡିପିଓ ପ୍ରକାଶ ଚନ୍ଦ୍ର ଜେନା,ଡିଏସପି ଅଶୋକ ମହାନ୍ତି,ପାରଳା ଆଇଆଇସି ବିବେକା ନନ୍ଦ ସ୍ୱାଇଁ ପ୍ରମୁଖଙ୍କ ସହ ବହୁ ପୋଲିସ ଅଧିକାରୀ,ଅବସରପ୍ରାପ୍ତ ପୋଲିସ ଅଧିକାରୀ ଓ ବହୁ ମାନାଗଣ୍ୟ ବ୍ୟକ୍ତି ଯୋଗ ଦେଇଥିଲେ ।


