ଗଣିଜାଙ୍ଗ ଏକାଡେମିକ୍ ସ୍କୁଲର ବାର୍ଷିକ ଉତ୍ସବ

ବନ୍ତ,(ଚାନ୍ଦିନୀ ମହାନ୍ତି) : ଗଣିଜାଙ୍ଗସ୍ଥିତ ଏକାଡେମିକ ଇଣ୍ଟରନ୍ୟାସନାଲ୍ ସ୍କୁଲର ୮ମ ବାର୍ଷିକ ଉତ୍ସବ ପାଳିତ ହୋଇଯାଇଛି । ଅଧ୍ୟକ୍ଷ ବସନ୍ତ କୁମାର ସାମଲଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ସବରେ ମୁଖ୍ୟ ଅତିଥି ଭାବେ ରୋଟାରିଆନ୍ ଡାକ୍ତର ଜୟଶ୍ରୀ ମହାନ୍ତି, ମୁଖ୍ୟବକ୍ତା ଭାବେ ଅଧ୍ୟାପକ ନାସିର୍ ବକ୍ସ, ସମ୍ମାନିତ ଅତିଥି ଭାବେ ବେଦାନ୍ତ ଚାର୍ଜକ୍ରୋମ୍ ପ୍ଲାଣ୍ଟର ଇଂ ଶୁଭେନ୍ଦୁ ବାରିକ, ସ୍କୁଲ ପରିଚାଳନା ନିଦ୍ଦେର୍ଶକ ଦୈତ୍ୟାରୀ ଯୋଗ ଦେଇଥିଲେ । ଏହି ଅବସରରେ ପୂର୍ବରୁ ଅନୁଷ୍ଠିତ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀ ମାନଙ୍କୁ ଅତିଥିଙ୍କ ସମେତ ବିଦ୍ୟାଳୟର ଅଧ୍ୟକ୍ଷ ସଞ୍ଜୁକ୍ତା ପଣ୍ଡା ଓ ସମାଜସେବୀ ସୁପ୍ରିୟା ସାମଲ ଟ୍ରଫି ଓ ପ୍ରମାଣପତ୍ର ପ୍ରଦାନ କରିଥିଲେ । ପ୍ରାରମ୍ଭରେ ବିଦ୍ୟାଳୟର ପ୍ରାଣ ପ୍ରତିଷ୍ଠାତା ସ୍ୱର୍ଗତ ନାରାୟଣ ଚନ୍ଦ୍ର ପତିଙ୍କ ଫଟୋଚିତ୍ରରେ ମାଲ୍ୟାର୍ପଣ କରାଯାଇଥିଲା । ଶିକ୍ଷକ ଦିଲ୍ଲିପ କୁମାର ନାୟକ ଅତିଥି ପରିଚୟ, ଶିକ୍ଷୟିତ୍ରୀ ପୂର୍ବାଶା ଦାସ ଧନ୍ୟବାଦ ଅର୍ପଣ କରିଥିଲେ । ମଧୁସ୍ମିତା ମହାନ୍ତି ଓ ରଜତ୍ ବେହେରା ସାଂସ୍କୃତିକ ମଞ୍ଚକୁ ପରିଚାଳନା କରିଥିଲେ । କାର୍ଯ୍ୟକ୍ରମ ପରିଚାଳନାରେ ହୋଲି ପଣ୍ଡା, ସୁଲିଷ୍ପା ପହି, ମାନସ କୁମାର ଜେନା, ରମାକାନ୍ତ ତ୍ରିପାଠୀ, ସଲିମ ଅଲ୍ଲି, ନାରାୟଣ ତ୍ରିପାଠୀ, ପ୍ରଶନ୍ନାରାଣୀ ବିଶ୍ୱାଳ, ପୁଷ୍ପଲତା କାଣ୍ଡି, ଦଇନବ ବେଗମ, ଦିପାଳୀ ପହି, ବର୍ଷାରାଣୀ ସାହୁ, ବିନିତା ତ୍ରିପାଠୀ, ଶିବାନୀ ଜେନା, ଗୌରାଙ୍ଗ ଖିଲାର ସହଯୋଗ କରିଥିଲେ ।