ଗୋକର୍ଣ୍ଣପୁର ଶାଖା ଦ୍ୱାରା ସ୍ୱତନ୍ତ୍ର ସତସଙ୍ଗ ପାଳିତ
(ଯୁଗାବ୍ଦ ନ୍ୟୁଜ)ଦିବ୍ୟ ଜୀବନ ସଂଘ ଗୋକର୍ଣ୍ଣପୁର ଶାଖା ଦ୍ୱାରା ଏକ ସ୍ୱତନ୍ତ୍ର ସମନ୍ୱୟ ସମିତିର ସମ୍ପାଦକ ପ୍ରକାଶ ଚନ୍ଦ୍ର ରଥ ଓ ବାବୁ ପ୍ରଧାନଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମର ପ୍ରାତଃ ସମୟରେ ଜୟଗଣେଷ କୀର୍ତ୍ତନ , ଗୁରୁ ସ୍ତୋତ୍ର , ଗୁରୁ ବନ୍ଦନା , ଗୀତା ପାଠ, ଶ୍ରୀ ଶୁକ୍ତମ, ଦେବୀ ମନ୍ତ୍ର ପାଠ , ସଫଳତା ମନ୍ତ୍ର ପାଠ କରାଯାଇଥିଲା । ଲକ୍ଷ୍ମୀ ପ୍ରଧାନଙ୍କ ପ୍ରଥମ ଶ୍ରାଦ୍ଧ ବାର୍ଷିକ ଉପଲକ୍ଷେ ଏହି ସତସଙ୍ଗ ପାଳନ କରାଯାଇଥିଲା । ଏହି କାର୍ଯ୍ୟକ୍ରମରେ ଅତିଥି ଭାବେ ଦିବ୍ୟ ଜୀବନ ସଂଘର ବରିଷ୍ଠ ସନ୍ଥ ସ୍ୱାମୀ ଗୋବରାନନ୍ଦ ସରସ୍ୱତୀ ମହାରାଜା, ସ୍ୱାମୀ ହରିଶାନନ୍ଦ ସରସ୍ୱତୀ ମହାରାଜା , ସ୍ୱାମୀ ବିଦ୍ୟାନନ୍ଦ ସରସ୍ୱତୀ ମହାରାଜା ଯୋଗଦେଇ ଆଶୀବର୍ଚନ ମାଧ୍ୟମରେ ହିତବାଣୀ ପ୍ରଦାନ କରିଥିଲେ । ଆତ୍ମା ଚିରନ୍ତନ ସତ୍ୟ ଓ ଅମର , ତାହାର କେବେ ଜନ୍ମ ଓ ମୃତ୍ୟୁ ନାହିଁ । କେବଳ ଆତ୍ମା ଅଲଗା ହୋଇଯାଇଥାଏ । ତେଣୁ ମୃତ୍ୟୁରେ ଅତ୍ୟାଧିକ ହତୋତ୍ସିତ ହେବାର କୌଣସି ଆବଶ୍ୟକତା ନାହିଁ । ଯେହେତୁ ଜୀବର ଜନ୍ମ ଅଛି ମୃତ୍ୟୁ ସୁନିଶ୍ଚିତ । ସେ ନିଜର କର୍ମ ଅନୁସାରେ ଆଗାମି ଜନ୍ମର ଫଳ ଭୋଗ କରିଥାଏ । ଏହା ଏକ ସଂସାର ଲୀଳା ବୋଲି ବୁଝାଇଥିଲେ । ଅତଏବ ଏହି ସଂସାରରେ ସୁଖ ଦୁଃଖରୁ ଉର୍ଦ୍ଦରେ ରହି ଆତ୍ମ ଚିନ୍ତନ କରି ଜୀବନ ମୁକ୍ତି ପାଇଁ ପାଇପାରିବ ବୋଲି ବୁଝାଇଥିିଲେ । ଏହି କାର୍ଯ୍ୟକ୍ରମରେ ନରହରି ପାଳ , ବିପ୍ର ଚରଣ , ଦାଶରଥୀ, ଟୁକୁନା, ଦାମ, ଗୋଲାପି ମହାରଣା , ଜମ୍ବୁମା, କୁନ୍ତିମା ପ୍ରମୁଖ ଭାଇ ଭଉଣୀମାନେ ଯୋଗ ଦେଇଥିଲେ । ଏହା ସହ ସାନ ଡୁମ୍ବୁଳା ଶିଶୁ ସତସଙ୍ଗର ଅନେକ ଶିଶୁ ଶ୍ରଦ୍ଧାଳୁ ଭାଇଭଉଣୀମାନେ ଯୋଗ ଦେଇଥିଲେ । ପରିଶେଷରେ ବାବୁ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
