ଗୋପାଳ ନଗରବାସୀଙ୍କ ପକ୍ଷରୁ ଦଳ ପୋଖରୀ ସଫେଇ

ନିଆଳୀ-ନିଆଳୀ ସ୍ଥିତ ଗୋପାଳନଗର ବାସୀଙ୍କ ପକ୍ଷରୁ ଆଜି ପବିତ୍ର ବିଶ୍ୱକର୍ମା ପୂଜା ଅବସରରେ ଏକ ସ୍ୱେଛାକୃତ ମହତ କାର୍ଯ୍ୟ କରାଯାଇଛି । ଗ୍ରାମବାସୀଙ୍କ ସମୁହ ସହଯୋଗରେ ସ୍ୱେଛାକୃତ ଗ୍ରାମ ମୁଣ୍ଡରେ ଥିବା ହାଡଗାଡିଆରୁ ଦଳସଫେଇ କରାଯାଇଛି । ଏହି ପୋଖରୀ ନିଆଳୀ ବାହାରଣା ରାସ୍ତା ପାଶ୍ୱରେ ରହିଥିବାବେଳେ ନିଆଳୀ ସରସ୍ୱତୀ ଶିଶୁମନ୍ଦିର ଓ ଉକ୍ତ ଗ୍ରାମ ମଧ୍ୟ ଭାଗରେ ଅବସ୍ଥିତ । ପୋଖରୀରେ ଦଳ ଭରି ରହୁଥିବାରୁୂ ପୋଖରୀର ପାଣି ବ୍ୟବହାର ଅଯୋଗ୍ୟ ହୋଇ ପଡିବା ସହିତ ମସା, ମାଛି ବଂଶ ବୃଦ୍ଧି ହେଉଥିଲା । ଯାହାକି ପରିବେଷକୁ ରୋଗମୟ କରୁଥିଲା । ଏହି ସମସ୍ତ ଦିଗକୁ ଦୃଷ୍ଟିକୁ ନେଇ ଗ୍ରାମବାସୀଙ୍କ ସମୁହ ସହଯୋଜଗରେ ଆଜି ପୋଖରୀକୁ ସଫେଇ କରାଯାଇଛି । ଗ୍ରାମବାସୀଙ୍କ ଏତାଦୃଶ୍ୟ କାର୍ଯ୍ୟକୁ ସାଧାରଣରେ ଭୂୟସି ପ୍ରଶଂସା କରାଯାଇଛି । ରାସ୍ତା ପାଶ୍ୱ ଖୋଦ ବ୍ଲକ ଠାରୁ ମାତ୍ର ୫ଶହମିଟର ଦୂରରେ ଏହି ପୋଖରୀ ଥିଲେମଧ୍ୟ ପ୍ରଶାସନର ଦୃଷ୍ଟି ପଡୁନଥିବାବେଳେ ଗ୍ରାମବାସୀଙ୍କ ଏହି ସାଧୂ ଉଦ୍ୟମକୁ ସାଧାରଣରେ ସ୍ୱାଗତ କରାଯାଇଛି ।