ଗୋରୁ ଗାଡି ଜବତ

ଭଣ୍ଡାରିପୋଖରୀ, ( ଦୁର୍ଯ୍ୟଧନ ଲେଙ୍କା) :ଭଣ୍ଡାରିପୋଖରୀ ଥାନା ଚନ୍ଦ୍ରଭାନୁପୁର ନିକଟରୁ ଆଜି ଏକ ଗୋରୁ ଗାଡିକୁ ପୋଲିସ ଜବତ କରିଥିବା ଜଣାପଡ଼ିଛି । ଏକ ପିକଅପରେ ୩ଗୋଟି ଗୋରୁ ବୋଝେଇ ହୋଇ ଯାଜପୁର ଆଡୁ ହାଇଲେବୁଲ କେନାଲ ବନ୍ଧରେ ଆସିଥିବା ବେଳେ ସ୍ଥାନୀୟ ଲୋକେ ଏହାକୁ ଧରିଥିଲେ । ପରେ ସ୍ଥାନୀୟ ଥାନାକୁ ଖବର ଦିଆଯାଇଥିଲା । ଥାନା ଅଧିକାରୀ ଅମିତାଭ ଦାସଙ୍କ ନିର୍ଦେଶକ୍ରମେ ପୁଲିସ ସେଠାରେ ଗାଡିଟିକୁ ଥାନାକୁ ଆଣିଥିବା ବେଳେ ଜବତ ୩ଗୋଟି ଗୋରୁକୁ ମାଇତାପୁର ଗୋଶାଳାକୁ ପଠାଇଥିବା ଜଣାପଡିଛି । ଏହା ସହିତ ବେଆଇନ ପରିବହନ କରୁଥିବା ଅଭିଯୋଗରେ ଗାଡି ଡ୍ରାଇଭରକୁ ମଧ୍ୟ ଗିରଫ କରାଯାଇଛି ।