ଘରପଦା ଶନିମନ୍ଦିରର ୨ୟ ବାର୍ଷିକୀ ଉତ୍ସବ ଉଦ୍ଯାପିତ

ବନ୍ତ,(ଯୁଗାଦ୍ଧ ନ୍ୟୁଜ୍) : ବୁଧବାର ବନ୍ତ ବ୍ଲକ ନିଳୋକ ପଞ୍ଚାୟତ ଘରପଦା ଗ୍ରାମରେ ଅବସ୍ଥିତ ଶନିମନ୍ଦିରର ଗ୍ରହରାଜ ଶ୍ରୀ ଶ୍ରୀ ଶନିଦେବଙ୍କର ଦ୍ୱିତୀୟ ବାର୍ଷିକ ଯଜ୍ଞ ମହୋତ୍ସବ ଉଦ୍ଯାପିତ ହୋଇଯାଇଛି । ଦୁଇ ଦିନ ବ୍ୟାପୀ ଅନୁଷ୍ଠିତ ଏହି ଉତ୍ସବର ପ୍ରଥମ ଦିବସରେ ଗ୍ରାମରେ ଥିବା ଧନିସା ପୋଖରୀରୁ ୧୦୮ କଳସ ଅଣା ଯାଇ ଘଟ ସ୍ଥାପନା କରାଯାଇଥିଲା । ପରେ ଅଗ୍ନିସ୍ଥାପନ ଓ ମଣ୍ଡଳାଧିବାସ ପୂଜା ଅନୁଷ୍ଠିତ ହୋଇଥିଲା । ବୁଧବାର ସକାଳେ ସୂର୍ଯ୍ୟପୂଜା, ଗୋମାତା ପୂଜା, ଶନିଙ୍କର ମହାସ୍ନାନ, ମଣ୍ଡଳାଧିପୂଜା, ନବଗ୍ରହ ଓ ସପ୍ତସତୀ ଚଣ୍ଡି ଆହୂତି ଏବଂ ଶେଷରେ ପୂର୍ଣ୍ଣାହୂତି କାର୍ଯ୍ୟ ସମାପନ ହୋଇଥିଲା । ପୂଜାରେ କୈଳାସ ଚନ୍ଦ୍ର ଚଢେଇ ଓ ଉର୍ମିଳା ଚଢେଇ ମୁଖ୍ୟ ପୁରୋଧା ଥିବା ବେଳେ ସମସ୍ତ ପୂଜା କାର୍ଯ୍ୟକୁ ପୂଜକ ଶାନ୍ତନୁ ପଣ୍ଡା, ବସନ୍ତ ମିଶ୍ର, ଉପେନ୍ଦ୍ର ମିଶ୍ର, କୃଷ୍ଣ ଚନ୍ଦ୍ର ପଣ୍ଡା, ଚିନ୍ତାମଣି ତ୍ରିପାଠୀ, ପ୍ରମୋଦ ମିଶ୍ର ପ୍ରମୁଖ ସମ୍ପାଦନ କରିଥିଲେ । ଉକ୍ତ ଉତ୍ସବରେ ଘରପଦା, ନିଳୋକ, ଦୋଳପଦୀ, ଗୋହିରାପଦୀ, ମନହରପୁର, ଡାଳିମ୍ବଗଢିଆ, ତାଳପଦା, ଶିଆଳିଆ, କୁମ୍ଭାରିଆ ସମେତ ଆଖପାଖ ଗ୍ରାମର ଶତାଧିକ ଭକ୍ତ ଯୋଗ ଦେଇଥିଲେ ।