ଚାରିଗାଁ ପଞ୍ଚାୟତରେ ସାନିଟାଇଜେସନ କାର୍ଯ୍ୟକ୍ରମ

ବନ୍ତ,(ଚାନ୍ଦିନୀ ମହାନ୍ତି):କରୋନା ମହାମାରୀ ସଂକ୍ରମଣକୁ ରୋକିବା ନେଇ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣ କରିଛନ୍ତି । ଅଗ୍ନିଶମ ବିଭାଗ ପକ୍ଷରୁ ବିଭିନ୍ନ ସରକାରୀ କାର୍ଯ୍ୟାଳୟ ଓ ବଜାର ଅଞ୍ଚଳ ଗୁଡିକୁ ବିଶୋଧନ କରାଯାଉଛି । ଏପରିପେକ୍ଷୀରେ ବନ୍ତ ବ୍ଲକ ଚାରିଗାଁ ପଞ୍ଚାୟତର ସରପଞ୍ଚ ବନମାଳୀ ବେହେରାଙ୍କ ତତ୍ତ୍ୱାବଧାନରେ ପଞ୍ଚାୟତ କାର୍ଯ୍ୟାଳୟ, ସାମୟିକ ସ୍ୱାସ୍ଥ୍ୟ କେନ୍ଦ୍ର, ବିଭିନ୍ନ ବିଦ୍ୟାଳୟ ଗୁଡିକୁ ରାସାୟନିକ ସ୍ପ୍ରେ ମାଧ୍ୟମରେ ବିଶୋଧନ କରାଯାଇଥିବା ଜଣାଯାଇଛି ।