ଚୋରା କାଠ ଗଣ୍ଡି ସହିତ ଗାଡ଼ି ଜବତ

ନିମାପଡ଼ା,(ସନ୍ତୋଷ ଦାଶ): ନିମାପଡା ବ୍ଲକ ତୁଳସୀପୁର ଠାରୁ ନିମାପଡ଼ା ଅଭିମୁଖେ ଏକ ଗାଡ଼ି ଚୋରା କାଠ ନେଇ ଯାଉଥିବା ଖବର ପାଇ ପୁରୀ ଜିଲ୍ଲା ଅସ୍ତରଙ୍ଗ ବନାଞ୍ଚଳ ଅଧିକାରୀ ମୋନାଲିସା ମହାପାତ୍ର ଓ ଫରେଷ୍ଟର ବବୁଲ ମଲ୍ଲିକ ସଦଳବଳେ ନିମାପଡ଼ା-ଚାରିଛକ ରାସ୍ତା ଛପି ରହି ଏକ ଆଇଚର ଗାଡ଼ି ନଂ ଓ ଡି ୦୨ ଏ ଭି ୬୩୬୫ କୁ ତନଖି କରିଥିଲେ। ଗାଡ଼ି ରୁ ବିପୁଳ ପରିମାଣ ର କୁରୁମ ଓ ହଳଦୁ କାଠ ଗଣ୍ଡି କୁ ବନ ବିଭାଗ ଜବତ କରି ବନ ବିଭାଗ କାର୍ଯ୍ୟାଳୟ କୁ ନେଇଥିଲେ। ଗାଡ଼ି ର ଚାଳକ ଫେରାର ହୋଇ ଯାଇଥିଲେ।ଏହି ଚୋରା କାଠ ସବୁ ନିମାପଡ଼ା ବ୍ଲକ ର ଆମ୍ପୋର ଠାରେ ବେଆଇନ ଭାବେ ଚାଲୁଥିବା ଏକ କରତ କଳ କୁ ଯାଉଥିଲା ବୋଲି ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି। ତୁରନ୍ତ ଦଣ୍ଡିକିରା, ବନ୍ଦେଶ୍ୱର, କଙ୍କଡାଗାଡ଼ିଆ ପ୍ରଭୃତି ସ୍ଥାନ ରେ ଅବାଧ ରେ ଦିନ ରାତି ବେଆଇନ ଭାବେ ଚାଲୁଥିବା କରତ କଳ ଉପରେ ବନ ବିଭାଗ ଚଢ଼ାଉ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣ ରେ ଦାବି ହେଉଛି।