ଜଙ୍ଗଲ ସୁରକ୍ଷା ଅଧିକାର କୁ ନେଇ ଡିଏଫଓ କାର୍ଯ୍ୟାଳୟରେ ଅଭିଯୋଗ

ରାଇରଙ୍ଗପୁର, (ଅକ୍ଷୟ କୁମାର ବିଶ୍ବାଳ):ମୟୁରଭଞ୍ଜ ଜିଲ୍ଲା ବହଳଦା ବନାଞ୍ଚଳ ଅନ୍ତର୍ଗତ ବାଖଳ’ ସଂରକ୍ଷିତ ଜଙ୍ଗଲ କୁ ଶଗଡଭଙ୍ଗା ଗ୍ରାମବାସୀ’ଙ୍କ ଦ୍ବାରା ପୁରୁଷାନୁକ୍ରମେ ରକ୍ଷଣା ବେକ୍ଷଣ ଓ ସୁରକ୍ଷା ଯୋଗାଇ ଆସୁଥିବା ବେଳେ ବର୍ତ୍ତମାନ ରାଇରଙ୍ଗପୁର ବନାଞ୍ଚଳ ଦ୍ବାରା ହାତୀଆ ଗ୍ରାମପଞ୍ଚାୟତ ଅନ୍ତର୍ଗତ ଗିଦିଘାଟୀ ଗ୍ରାମର ଗ୍ରାମବାସୀ’ଙ୍କୁ ଉକ୍ତ ଜଙ୍ଗଲର ରକ୍ଷଣା ବେକ୍ଷଣ ଓ ସୁରକ୍ଷା ଦାୟିତ୍ବ ଦିଆଯିବାକୁ ନେଇ ରାଇରଙ୍ଗପୁର ବନଖଣ୍ଡ ଡିଏଫଓ କାର୍ଯ୍ୟାଳୟରେ ଶଗଡଭଙ୍ଗା ଗ୍ରାମବାସୀଙ୍କ ପକ୍ଷରୁ ଅଭିଯୋଗ ହୋଇଛି।ଅଭିଯୋଗ ଅନୁସାରେ ବାଖଳ’ ସଂରକ୍ଷିତ ଜଙ୍ଗଲର ୯୦’ହେକ୍ଟର ପରିସିମିତ ଅଞ୍ଚଳକୁ ପୁରୁଷାନୁକ୍ରମେ ସୁରକ୍ଷା ଯୋଗାଇ ଆସୁଥିବାବେଳେ ୨୦୧୦’ମସିହାରୁ ବନବିଭାଗ ଦ୍ବାରା ସ୍ଥାନୀୟ ସରପଞ୍ଚ’ଙ୍କ ଉପସ୍ଥିତିରେ ଗ୍ରାମବାସୀଙ୍କୁ ନେଇ ଜଙ୍ଗଲ ସୂରକ୍ଷା ସମିତି ଗଠନ କରାଯାଇ ଜଙ୍ଗଲ ସୂରକ୍ଷା ଦାୟିତ୍ବ ଦିଆଯାଇଛି।ହେଲେ ବର୍ତ୍ତମାନ ଉକ୍ତ ଜଙ୍ଗଲକୁ ରାଇରଙ୍ଗପୁର ବନାଞ୍ଚଳ ଦ୍ବାରା ଚିହ୍ନଟ କରାଯାଇ ସୀମା ଖୁଣ୍ଟ ପତାଯାଇ ଗିଦିଘାଟୀ ଗ୍ରାମବାସୀ’ଙ୍କୁ ଜଙ୍ଗଲ ସୁରକ୍ଷା ଦାୟିତ୍ବ ଦିଆଯାଇଛି।ଏହାକୁ ଶଗଡଭଙ୍ଗା ଗ୍ରାମବାସୀ ବିରୋଧ କରିବା ସହିତ ବହଳଦା ରେଞ୍ଜର’ଙ୍କୁ ଏ ବିଷୟରେ ଅଭିଯୋଗ କରିଥିଲେ।ହେଲେ ବହଳଦା ବନବିଭାଗ ଦ୍ବାରା କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାନଯିବାରୁ ରାଇରଙ୍ଗପୁର ବନଖଣ୍ଡ ଅଧିକାରୀ(ଡିଏଫଓ)’ଙ୍କ ନିକଟରେ ଲିଖିତ ଅଭିଯୋଗ କରିବା ସହିତ ଯଥାଶିଘ୍ର ବିବାଦର ସମାଧାନ କରାଯିବାକୁ ଦାବି ଜଣାଇଛନ୍ତି।ନଚେତ୍ ଆଗକୁଯାଇ ଜରଦାର ଆନ୍ଦଳନ କରାଯିବ ବୋଲି ଚେତାବନୀ ଦେଇଛନ୍ତି।ଅସନା ଗ୍ରାମପଞ୍ଚାୟତ ସମିତି ସଭ୍ୟ ପ୍ରଦୀପ ସିଂ,ଆଇନଜୀବି ଭବାନୀ ଶଙ୍କର ମହାନ୍ତି,ସୁରା ମୁଣ୍ଡିଆ,ସୁନାରାମ ହେମ୍ବ୍ରମ,ଲେଙ୍କା ମୁଣ୍ଡା ପ୍ରମୁଖ ଗ୍ରାମବାସୀ’ଙ୍କ ସହିତ ଡିଏଫଓ କାର୍ଯ୍ୟାଳୟରେ ଅଭିଯୋଗ ପତ୍ର ଦାଖଲ କରିବା ସହିତ ଯଥାଶୀଘ୍ର ବିବାଦର ସମାଧାନ କରାଯିବାକୁ ଦାବି ଜଣାଇଛନ୍ତି।