ଜବରଦଖଲ ଉଚ୍ଛେଦକୁ ନେଇ ପ୍ରଶାସନ, ଆଇନଜୀବି ଓ ବ୍ୟବସାୟୀ ମୁହାଁମୁହିଁ

ବନ୍ତ,(ଯୁଗାଦ୍ଧ ନ୍ୟୁଜ୍) : ବନ୍ତ ବଜାରର ଉନ୍ନତିକରଣ ନେଇ ବଜାର ଅଞ୍ଚଳର ଜବରଦଖଲ ଉଚ୍ଛେଦ ପ୍ରକ୍ରିୟା ଗତ ମଙ୍ଗଳବାର ପ୍ରଶାସନ ପକ୍ଷରୁ ଆରମ୍ଭ ହୋଇଥିଲା । ଦୁଇ ଦିନ ପୂର୍ବରୁ ଡାକବାଜି ଯନ୍ତ୍ର ସହାୟତାରେ ଜବରଦଖଲ ଛାଡିବା ପାଇଁ ପ୍ରଶାସନ ପକ୍ଷରୁ ସୂଚନା ଦିଆଯାଇଥିଲେ ମଧ୍ୟ ବ୍ୟକ୍ତିଗତ ଭାବେ କୌଣସି ନୋଟିସ ଜାରି କରାଯାଇନଥିଲା । ଫଳରେ ଜବରଦଖଲକାରୀ ମାନେ ଉଚ୍ଛେଦ କାର୍ଯ୍ୟ ସମୟରେ ନିଜର ଅଭିଯୋଗ ରଖିଥିଲେ । ମାତ୍ର ଏହାକୁ ପ୍ରଶାସନ ଗ୍ରହଣ ନକରିବାରୁ ପରିସ୍ଥିତି ଜଟିଳ ହୋଇଥିଲା । ବୁଧବାର ଦୁଇ ଜଣ ଜବରଦଖଲକାରୀ ତଥା ମହକିଲଙ୍କୁ ସାଙ୍ଗରେ ଧରି ଜନୈକ ଆଇନଜୀବି ତହସିଲଦାରଙ୍କୁ ଭେଟି ଥିବା ବେଳେ ତହସିଲଦାର ତାଙ୍କୁ ର୍ଦୁବ୍ୟବହାର କରିବା ସହ ଜୀବନରୁ ମାରିଦେବାକୁ ଧମକ ଦେଇଥିଲେ । ଏନେଇ ଆଇନଜୀବିଙ୍କ ପକ୍ଷରୁ ଥାନାରେ ଅଭିଯୋଗ ହୋଇଥିଲା । ଅପରପକ୍ଷେ ତହସିଲଦାରଙ୍କୁ ସଂପୃକ୍ତ ଆଇନଜୀବି ର୍ଦୁବ୍ୟବହାର ପ୍ରଦର୍ଶନ କରିବା ସହିତ ହତ୍ୟା ଧମକ ଦେଇଥିବା ନେଇ ଥାନାରେ ପାଲଟା ଅଭିଯୋଗ ତହସିଲଦାର କରିଥିଲେ । ପୋଲିସ ତହସିଲଦାରଙ୍କ ଅଭିଯୋଗ କ୍ରମେ କେସ ନଂ-୧୬୪/୧୯ ମୂଳେ ଏକ ମାମଲା ରୁଜ୍ଜୁ କରିଥିବା ବେଳେ ଆଇନଜୀବିଙ୍କୁ ଏତଲା କପି ଦେଇନଥିଲା । ଫଳରେ ଗୁରବାର ଆଇନଜୀବିଙ୍କ ସମେତ ବନ୍ତ ବଜାରର ବ୍ୟବସାୟୀ ଓ ସ୍ଥାନୀୟ ଲୋକ ମାନେ ଥାନାରେ ଧାରଣା ଦେଇଛନ୍ତି । ଏହାକୁ ସମର୍ଥନ କରି ସିପିଆଇର ବରିଷ୍ଠ ନେତା ଗୋପବନ୍ଧୁ ସେଠୀ, ସିପିଆଇ ଜିଲ୍ଲା ସଂପାଦକ ଶୁଭେନ୍ଦ୍ର ପ୍ରତାପ ମହାନ୍ତି, ଜୋନ୍ ସଂପାଦକ ରମେଶ ଜେନା, ନିରଂଜନ ନାୟକ, ସ୍ମୃତି ରଂଜନ ସ୍ୱାଇଁ, ମୁସ୍ତାକ୍ ଅଲ୍ଲୀ ଖାଁ, ପିତବାସ ସେଠୀ, ଜ୍ୟୋତି ରଂଜନ ନାୟକ, ସେକ୍ ସାବନ୍, ସୁରକାନ ଅଲ୍ଲୀ, ପଞ୍ଚାନନ ସେଠୀ, ରବିନ୍ଦ୍ର ନାୟକ, ଉଷାରାଣୀ ବେହେରା, ଜଳଧର ଜେନା, ରତିକାନ୍ତ ଜେନା, ରବିନ୍ଦ୍ର ଖଣ୍ଡାଇ, ବଟକୃଷ୍ଣ ଦାସ, ଧନେଶ୍ୱର ଜେନା, ମାଳତୀ ଜେନା, ସ୍ୱର୍ଣ୍ଣଲତା ଖିଲାର, ଅହଲ୍ୟା ମହାକୁଡ, କୁନ୍ତଳା ପ୍ରଧାନ, ଜୟନ୍ତ ଶଂଖୁଆ, ଅଭିମନ୍ୟୁ ଜେନା, କିଶୋର ବେହେରା ପ୍ରମୁଖ ଉପସ୍ଥିତ ଅଛନ୍ତି । ସେହିପରି ବିନା ନୋଟିସରେ ପ୍ରଶାସନର ଏହି ଜୁଲମକୁ ବ୍ୟବସାୟୀ ବିରୋଧ କରିବା ସହ ପ୍ରଶାସନ ବିରୁଦ୍ଧରେ ପର୍ଶୁରାମ ସ୍ୱାଇଁ, ଶ୍ରୀକାନ୍ତ ନାୟକ, କାମଦେବ ନାୟକ, ସେକ୍ ସିରାଜ୍, ପ୍ରମୋଦ ନାୟକ, ଉର୍ମିଳା ମହାପାତ୍ର, ଶ୍ରୀଧର ପେଡା, ନିରାକର ସେଠୀ, ଅରୁଣ ମହାପାତ୍ର, ଉର୍ମିଳା ଦାସ ପ୍ରମୁଖ ପୃଥକ ପୃଥକ ଭାବେ ଥାନାରେ ଅଭିଯୋଗ କରିଛନ୍ତି । ସେହିପରି ତହସିଲରେ ପଶି ଜଣେ ମହିଳା ତହସିଲଦାରଙ୍କୁ ର୍ଦୁବ୍ୟବହାର କରିବା ସହ ଜିନିଷ ପତ୍ର ଫିଙ୍ଗାଫିଙ୍ଗି କରିବା ଘଟଣାରେ କର୍ମଚାରୀ ମାନେ ନିଜକୁ ସୁରକ୍ଷିତ ମଣୁନଥିବାରୁ କାର୍ଯ୍ୟାନୁଷ୍ଠାନ ଦାବୀରେ କର୍ମଚାରୀ ମାନେ କଲମଛାଡ ଆନ୍ଦୋଳନ କରିଛନ୍ତି । ଏହି ଆନ୍ଦୋଳନରେ ଅତିରିକ୍ତ ତହସିଲଦାର ବିଜୟ କୁମାର ସେଠୀ, ରାମଜିତ୍ ମାରାଣ୍ଡି, ଲକ୍ଷ୍ମୀ ମାରାଣ୍ଡି, ଅଶୋକ ମହାନ୍ତି, ଈଶ୍ୱର ନାୟକ, ସେକ୍ ଆବୁ ଫୟାଜ୍, ତାପସ ରଂଜନ ଜେନା, ମନୋଜାମଂଜରୀ ଜେନା, ଦୀପ୍ତିରେଖା ସ୍ୱାଇଁ, ସୁମିତ୍ରା ପଣ୍ଡା, ପ୍ରତିମା ଦାସ, ଅତୁଲ ଚରଣ ଭୂୟାଁ, ଉମାକାନ୍ତ ରାଉତ, ରବିନ୍ଦ୍ର ନାଥ ଜେନା, ସୌଭାଗ୍ୟ ସିଂହ, ଜ୍ୟୋତି ରଂଜନ ପଣ୍ଡା, ସୌମ୍ୟ ରଂଜନ ସାମଲ, ପ୍ରତାପ ସାହୁ, ଆଲୋକ ରାଉତରାୟ, ପୂର୍ଣ୍ଣ ଚନ୍ଦ୍ର ଜେନା, ଅଜାତଶତୃ ଦାସ, ପ୍ରଭାକର ସାହୁ ପ୍ରମୁଖ ଯୋଗ ଦେଇଥିଲେ ।