ଜବାହାର ନବୋଦୟ ବିଦ୍ୟାଳୟ ଛାତ୍ରୀଙ୍କ କୃତିତ୍ଵ

ହାଟଡିହି, (ବିକାଶ ବିଶ୍ୱାଳ):ନଭେମ୍ବର ୧୧ ରୁ ୧୮ ନଭେମ୍ବର ପର୍ଯ୍ୟନ୍ତ ଗୁଜୁରାଟର ଖେଡ଼ା ଜିଲ୍ଲାର ନଦିୟାଡ଼ ଠାରେ ଅନୁଷ୍ଠିତ ହେବାକୁ ଥିବା ଜାତୀୟ ବିଦ୍ୟାଳୟ କ୍ରୀଡ଼ାରେ ଓଡ଼ିଶାରୁ ପ୍ରତିନିଧିତ୍ଵ କରିବାପାଇଁ ୪ଜଣ ବାଳିକା ମନୋନିତ ହୋଇଛନ୍ତି। ଏହି ୪ଜଣଙ୍କ ମଧ୍ୟରେ ହଦଗଡ଼ ସ୍ଥିତ ପି.ଏମ୍. ଶ୍ରୀ ବିଦ୍ୟାଳୟ ଜବାହାର ନବୋଦୟ ବିଦ୍ୟାଳୟର ୯ମ ଶ୍ରେଣୀ ଛାତ୍ରୀ ଦିପ୍ତୀପ୍ରଭା ପାତ୍ର (ତୀର ଚାଳନା ) ଓ ୧୧ଶ ଶ୍ରେଣୀ ଛାତ୍ରୀ ପ୍ରଭାସିନୀ ହାଂସଦା (ଖୋ-ଖୋ)ବର୍ଗରେ ଓଡ଼ିଶା ପାଇଁ ଚୟନ ହୋଇଥିବାରୁ ବିଦ୍ୟାଳୟ ର ଛାତ୍ରଛାତ୍ରୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି। ବିଦ୍ୟାଳୟର ଅଧ୍ୟକ୍ଷ ପି. ମଣିକଣ୍ଡନ ଏହି ଛାତ୍ରୀ ଦୁଇଜଣଙ୍କୁ ଅଭିନନ୍ଦନ ଜଣାଇଛନ୍ତି । ଏହି କ୍ରମରେ ହାଟଡ଼ିହିର ମଣ୍ଡଳ ଉନ୍ନୟନ ଅଧିକାରୀ ସୌମଶ୍ରୀ ପାଣିଗ୍ରାହୀ ହଦଗଡ଼ସ୍ଥିତ ବିଦ୍ୟାଳୟରେ ପହଞ୍ଚି ଉଭୟ ବାଳିକାଙ୍କୁ ସମ୍ବର୍ଦ୍ଧିତ କରିବା ସହ ଜାତୀୟ କ୍ରୀଡ଼ାରେ ସଫଳତା ପାଇଁ ଶୁଭେଛା ଜଣାଇଛନ୍ତି।