ଜିଲ୍ଲାରେ ଗଡିଲା ଶିଶୁ ଶ୍ରମିକ ନିରାକରଣ ସଚେତନତା ରଥ

ଯାଜପୁର (ସନ୍ଦୀପ ରାୟ) :-“ଶିଶୁ ଶ୍ରମ ମୁକ୍ତ ଯାଜପୁର ଜିଲ୍ଲା” ଆମର ସଂକଳ୍ପ । ଏହି ଲକ୍ଷ୍ୟ ନେଇ ଶ୍ରମ ଓ ରାଜ୍ୟ କର୍ମଚାରୀ ବୀମା ବିଭାଗ, ଓଡିଶା ସରକାର ଏବଂ ଶ୍ରମ ବିଭାଗ, ଯାଜପୁର ମିଳିତ ଆନୁକୁଲ୍ୟରେ “ଶିଶୁ ଶ୍ରମିକ ନିରାକରଣ ସଚେତନତା ରଥ” ର ଶୁଭାରମ୍ଭ କରାଯାଇଚ୍ଥି । ଆଜି ପୂର୍ବାହ୍ନରେ ଯାଜପୁର ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ ଏହି ସଚେତନତା ରଥର ପରିକ୍ରମା ଆରମ୍ଭ କରାଯାଇଥିଲା । ଅତିରିକ୍ତ ଜିଲ୍ଲାପାଳ (ରାଜସ୍ୱ) ଅକ୍ଷୟ କୁମାର ମଲ୍ଲିକ ପତାକା ଦେଖାଇ ସଚେତନତା ରଥ ପରିକ୍ରମା ର ଶୁଭାରମ୍ଭ କରିଥିଲେ । ଏହି ରଥ ଯାଜପୁର ସହରାଞ୍ଚଳ ପରିକ୍ରମା କରିବା ସହ ଶିଶୁଙ୍କୁ ଶ୍ରମିକ ଭାବେ କାମରେ ନିୟୋଜିତ କରାଉଥିବା ବ୍ୟକ୍ତି ବିଶେଷଙ୍କୁ ସାବଧାନ କରାଇବା ସହ ଜନସାଧାରଣଙ୍କ ନିକଟରେ ସଚେତନତାର ବାର୍ତ୍ତା ପହଞ୍ଚାଇବ ବୋଲି ଅତିରିକ୍ତ ଜିଲ୍ଲାପାଳ ଶ୍ରୀ ମଲ୍ଲିକ ମତବ୍ୟକ୍ତ କରିଥିଲେ । ପରେ ପରେ ଏହି ଉପଲକ୍ଷେ ଶିଶୁ ଶ୍ରମିକ ନିରୋଧ ପାଇଁ ଏକ ସଚେତନତା ରାଲି ବାହାର କରାଯାଇଥିଲା । ଏଥିରେ ଜିଲ୍ଲା ଟ୍ରେଡ୍ ୟୁନିୟନର ସଦସ୍ୟ, ଚାଇଲଡ୍ ଲାଇନର କର୍ମକର୍ତ୍ତା, ସ୍ୱେଚ୍ଚା୍ଥସେବୀ ସଂଗଠନର କର୍ମକର୍ତ୍ତା ଏବଂ ଜନସାଧାରଣ ଯୋଗଦେଇ ସହର ପରିକ୍ରମା କରିଥିଲେ । ପ୍ରକାଶ ଥାଉ କି, ତା ୪ା୬ା୨୦୨୨ ରିଖରେ ମଧ୍ୟ ଏହି ସଚେତନତା ରଥ ଓ ରାଲି କଳିଙ୍ଗ ନଗର ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ ବାହାରି ବ୍ୟାସନଗର ସହରାଞ୍ଚଳ ପରିକ୍ରମା କରିବ ବୋଲି ଜିଲ୍ଲା ଶ୍ରମ ଅଧିକାରୀ ସନ୍ତୋଷ କୁମାର ମହାନ୍ତି ପ୍ରକାଶ କରିଚ୍ଥନ୍ତି । ଆଜିର ଏହି କାର୍ଯ୍ୟକ୍ରମରେ ଅନ୍ୟ ମାନଙ୍କ ମଧ୍ୟରେ ଜିଲ୍ଲା ଶିଶୁ ମଙ୍ଗଳ କମିଟିର ଅଧ୍ୟକ୍ଷା ରୀତାଞ୍ଜଳି ବେହେରା, ସହକାରୀ ଶ୍ରମ ଅଧିକାରୀ ଚିତ୍ତ ରଂଜନ ରାଉତ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ନିରଂଜନ କର, ଗ୍ରାମୀଣ ଶ୍ରମ ନିରୀକ୍ଷକ ସଂଜିତ୍ କୁମାର ଦେଓ, ଶିଶୁ ମଙ୍ଗଳ କମିଟିର ବରିଷ୍ଠ ସଦସ୍ୟ ଡଃ ରୁଦ୍ର ନାରାୟଣ ପୃଷ୍ଟି ଏବଂ ଚାଇଲଡ୍ ଲାଇନର ସଦସ୍ୟମାନେ ଯୋଗ ଦେଇଥିଲେ ।