ଜିଲ୍ଲା ବ୍ରାହ୍ମଣ ସମିତିର ବାଲେଶ୍ୱର ନଗର କମିଟି ସଭାପତିଙ୍କ ବିୟୋଗରେ ଶୋକ

ବାଲେଶ୍ୱର(ଯୁଗାଦ୍ଧ ନ୍ୟୁଜ) ବାଲେଶ୍ୱର ଜିଲ୍ଲା ବ୍ରାହ୍ମଣ ସମିତିର ନଗର କମିଟିର ସଭାପତି ତଥା ପୂର୍ବତନ ପୋଲିସ୍ ଅଫିସର, ସୁସାହିତ୍ୟିକ ପଦ୍ମଚରଣ ଦାଶଙ୍କ ଦେହାନ୍ତରେ ଜିଲ୍ଲା କମିଟି ତରଫରୁ ଶୋକ ପ୍ରକାଶ କରାଯାଇଛି । ୭୯ବର୍ଷ ବୟସରେ ଗତ ରବିବାର ମଧ୍ୟରାତ୍ରିରେ ଜିଲ୍ଲା ମୁଖ୍ୟ ଡାକ୍ତରଖାନାରେ ତାଙ୍କର ଦେହାନ୍ତ ହୋଇଛି । ସେ ଜଣେ ସୁସଂଗଠକ, ସାହିତ୍ୟିକ, ସମାଜସେବୀ ଓ ପରୋପକାରୀ ବ୍ୟକ୍ତି ଥିଲେ । ବାଲେଶ୍ୱରର ବହୁ ସାମାଜିକ, ସାଂସ୍କୃତିକ ଓ ଧର୍ମାନୁଷ୍ଠାନମାନଙ୍କରେ ସକ୍ରିୟ ଭୂମିକା ଗ୍ରହଣ କରିଥିଲେ । ତାଙ୍କ ବିୟୋଗରେ ବ୍ରାହ୍ମଣ ସମିତିର ଜଣେ ଆଜୀବନ ସଭ୍ୟ ତଥା ସୁସଂଗଠକଙ୍କୁ ହରାଇଲା ବୋଲି ଜିଲ୍ଲା ସଂପାଦକ ଗୌରଚନ୍ଦ୍ର ଦାଶ ଏକ ଶୋକବାର୍ତ୍ତାରେ ଜଣାଇଛନ୍ତି ।