ଜିଲ୍ଳା ମୁଖ୍ୟ ଚିକିତ୍ସାଧିକାରୀ ଓ ଅଧୀକ୍ଷକ ଦେବର୍ଷି ସମ୍ମାନରେ ସମ୍ମାନିତ

ହିଞ୍ଜିଳିକାଟୁ,(ଶେଷଦେବ ସାହୁ): ଜାତୀୟ ସାମ୍ୱାଦିକ ଦିବସ ପାଳନ ଅବସରରେ ଭଞ୍ଜନଗର ସ୍ଥିତ କବି ସମ୍ରାଟ ମିଡ଼ିଆ କ୍ଲବ ପକ୍ଷରୁ ଶନିବାର ଜିଲ୍ଳାର ୨ ବିଶିଷ୍ଟ ବ୍ୟକ୍ତିଙ୍କୁ ଦେବର୍ଷି ସମ୍ମାନ-୨୦୨୪ ରେ ସମ୍ମାନିତ କରାଯାଇଛି। ଏହି ଉପଲକ୍ଷେ କବି ସମ୍ରାଟ ଷ୍ଟାଡିୟମ ପରିସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭଞ୍ଜନଗର ଉପ ଜିଲ୍ଲାପାଳ ଅନିଲ କୁମାର ସେଠୀ, କବି ସମ୍ରାଟ ମିଡ଼ିଆ କ୍ଲବ ସଭାପତି ପ୍ରଦୀପ କୁମାର ସ୍ବାଇଁ ଓ ସମ୍ପାଦକ ଚିନ୍ମୟ କୁମାର ବେବର୍ତ୍ତା ପ୍ରମୁଖ ମଞ୍ଚସୀନ ଥିଲେ। ଏହି ଅବସରରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ,ଗଞ୍ଜାମ ଡାକ୍ତର ବିଜୟ କୁମାର ପଣ୍ଡା ଓ ହିଞ୍ଜିଳିକାଟୁ ଉପଖଣ୍ଡ ଚିକିତ୍ସାଳୟର ଅଧୀକ୍ଷକ ତଥା ପ୍ରସୂତି ଓ ସ୍ତ୍ରୀ ରୋଗ ବିଶେଷଜ୍ଞ ଡାକ୍ତର ଶ୍ରୀକାନ୍ତ ସାହୁଙ୍କୁ ଉତ୍ସର୍ଗୀକୃତ ଓ ମହନୀୟ କାର୍ଯ୍ୟଧାରା ପାଇଁ ଦେବର୍ଷି ସମ୍ମାନ -୨୦୨୪ରେ ମୁଖ୍ୟ ଅତିଥି ଉପଢୌକନ ଓ ପ୍ରଶଂସା ପତ୍ର ପ୍ରଦାନ କରି ସମ୍ମାନିତ କରିଥିଲେ। ସମ୍ବର୍ଦ୍ଧନା ସମାରୋହରେ କବି ସମ୍ରାଟ ମିଡ଼ିଆ କ୍ଲବର ସମସ୍ତ ସଦସ୍ୟଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ।