‘ଜୟେସ ଭାଇ ଜୋରଦାର୍’ରେ ପଦାର୍ପଣ କରିବେ ଶାଲିନୀ ପାଣ୍ଡେ
ମୁମ୍ବାଇ : ତେଲୁଗୁ ଫିଲ୍ମ ଅଭିନେତ୍ରୀ ଶାଲିନୀ ପାଣ୍ଡେ ନିଜର ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି । ୟଶ୍ରାଜ୍ ବ୍ୟାନରର ଚଳଚିତ୍ର ଜୟେଶ ଭାଇ ଜୋରଦାର୍ ଜରିଆରେ ନିଜର ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି ଶାଲିନୀ । ଫିଲ୍ମରେ ରଣବୀର ସିଂହ ମୁଖ୍ୟ ଭୂମିକାରେ ଅଭିନୟ କରୁଥିବା ବେଳେ ଶାଲିନୀ ଲିଡିଂ ଲେଡି ଭୂମିକାରେ ନଜର ଆସିବାକୁ ଯାଉଥିବା ଜଣାପଡିଛି । ଏହି ଫିଲ୍ମରେ ଦିବ୍ୟାଙ୍ଗ ଠକ୍କର ନିର୍ଦ୍ଦେଶକ ଭାବରେ ପଦାର୍ପଣ କରିବାକୁ ଯାଉଛନ୍ତି । ମନୀଷ ଶର୍ମା ଏବଂ ୟଶରାଜ ବ୍ୟାନର ମିଳିତ ଭାବରେ ଏହି ଫିଲ୍ମର ପ୍ରଯୋଜନା କରୁଛନ୍ତି । ରଣବୀରଙ୍କ ବିପକ୍ଷରେ ଅଭିନୟ ପାଇଁ ଅତ୍ୟନ୍ତ ଉତ୍ସାହିତ ବୋଲି ଇନ୍ଷ୍ଟାଗ୍ରାମରେ ଲେଖିଛନ୍ତି ଶାଲିନୀ । ତେଲୁଗୁ ଫିଲ୍ମ ଅର୍ଜୁନ ରେଡ୍ଡୀରେ ନିଜର ଅଭିନୟ ପାଇଁ ଲୋକପ୍ରିୟତା ହାସଲ କରିଥିବା ଶାଲିନୀ ଆଗକୁ ତାମିଲ ଫିଲ୍ମ ଶହେ ପ୍ରତିଶତ କାଧାଲରେ ନଜର ଆସିବାକୁ ଯାଉଛନ୍ତି ।
