ଟୁଇଟରରେ ପ୍ରିୟଙ୍କା ଚୋପ୍ରା ଜୋନାସ୍ଙ୍କ ଦ୍ୱାରା ଏକ ଆକର୍ଷଣୀୟ ନୂଆ ଭିଡ଼ିଓ ସିରିଜ୍ ଅପଲୋଡ୍

ଦେଶର ଚଳଚ୍ଚିତ୍ର ପ୍ରେମୀଙ୍କ ପାଇଁ ଟୁଇଟରରେ ଦେଶୀ ଗର୍ଲ ପ୍ରିୟଙ୍କା ଚୋପ୍ରା ଜୋନାସ୍ଙ୍କର ଆକର୍ଷଣୀୟ ନୂଆ ଭିଡ଼ିଓ ସିରିଜ୍ ଅପଲୋଡ୍ କରାଯାଇଛି । ଅକ୍ଟୋବର ୭ ସୋମବାର ଏହି ଭିଡ଼ିଓ ଅପଲୋଡ କରିଛନ୍ତି । ଏଥିରେ ତାଙ୍କର କେତେଗୁଡ଼ିଏ ସ୍ମୃତିବହୁଳ ଷ୍ଟୋରୀ ରହିଛି । ଏସବୁ ପ୍ରିୟଙ୍କାଙ୍କ ଫଲୋଲରର୍ସଙ୍କୁ ବେଶ୍ ଆକୃଷ୍ଟ କରିପାରିଛି । ଟୁଇଟର ବ୍ୟବହାରକାରୀ ସେମାନଙ୍କ ପ୍ର ିୟ ସେଲିବ୍ରିଟିଙ୍କ ବିଷୟରେ ମନୋରଞ୍ଜନ ସମ୍ପର୍କିତ କଂଟେଟ୍ପ ଢ଼ିବାକୁ ଭଲ ପାଇଥାନ୍ତି । ସେମାନଙ୍କ ଜୀବନର କିଛି ଲୁକ୍କାୟୀତ ତଥ୍ୟ ସମ୍ପର୍କରେ ଜାଣିବା ଲାଗି ପ୍ରଶଂସକଙ୍କର ବେଶ୍ ଆଗ୍ରହ ରହିଥାଏ । ପ୍ରିୟଙ୍କା ଚୋପ୍ରା ଜୋନାସ୍ ନିଜ ପ୍ରଶଂସକଙ୍କୁ ଏଭଳି କେତେକ ତଥ୍ୟ ନିଜ ଜୀବନ ବିଷୟରେ ପ୍ରକାଶ କରିଛନ୍ତି । ଏହି ଅବସରରେ ପ୍ରିୟଙ୍କା ଚୋପ୍ରା ଜୋନାସ୍ କହିଲେ, “ବହୁ ଦିନ ମୁଁ ଟୁଇଟ୍ ଜାରି ରଖିଛି । ମୋର ପୁରୁଣା ଟୁଇଟ ପଢ଼ିବାକୁ ମତେ ଭଲ ଲାଗିଥାଏ । ସେସବୁ ଟୁଇଟ୍ ପଛରେ ଥିବା ଷ୍ଟୋରୀ ମୋର ପୁଣି ମନେ ପଡ଼ିଯାଇଥାଏ । ମତେ ଖୁବ୍ ଖୁସି ମିଳିଥାଏ । ମୋର ନୂଆ ଫିଲ୍ମର ପ୍ରମୋଶନ ସମୟରେ ମୁଁ ଏଭଳି କିଛି ଟୁଇଟ୍ ଅପଲୋଡ୍ କରିଥାଏ । ମୋର ପରବର୍ତୀ ଫିଲ୍ମ ଦି ସ୍କାଏ ଇଜ୍ ପିଙ୍କ୍ ଆପଣଙ୍କ ଚିନ୍ତାଧାରା ଏବଂ ଇମୋଶନ୍କୁ ବେଶ୍ ପ୍ରଭାବିତ କରିବାକୁ ସକ୍ଷମ ହେବ ।” ନିଜର ଦ୍ୱିତୀୟ ଭିଡ଼ିଓ ପ୍ରିୟଙ୍କା ଖୁବ୍ ଶୀଘ୍ର ଅପଲୋଡ୍ କରିବାର ଯୋଜନା ରହିଛି । ଏଥିରେ ସେ ନିଜର ଲାଟେଷ୍ଟ ମୁଭି ଦି ସ୍କାଏ ଇଜ୍ ପିଙ୍କ୍ ବିଷୟରେ କେତେ ଗୁଡ଼ିଏ ପ୍ରଶ୍ନର ଉତର ଦେଇଛନ୍ତି । ଏହି ଫିଲ୍ମର ଶୁଭମୁକ୍ତି ଅକ୍ଟୋବର ୧୧ରେ ହେଉଛି । ଏହାର ଆରଏସଭିପି ଏବଂ ରୟ କପୁର ଫିଲ୍ମର ମିଳିତ ସହଯୋଗରେ ନିର୍ମିତ ହୋଇଛି । ଏଥିରେ ଏସକେ ଗ୍ଲୋବାଲ ଏବଂ ଚୋପ୍ରା ଜୋନାସ୍ ପର୍ପଲ ପେବଲ୍ପି କଚରର୍ସ ସହଯୋଗ କରିଛନ୍ତି । ଏହା ଟରୋଂଟୋ ଅନ୍ତର୍ଜାତୀୟ ଫିଲ୍ମ ଫେଷ୍ଟିଭାଲ୍ରେ ଡେବ୍ୟୁ ହୋଇ ସାରିଛି । ଏହି ଫିଲ୍ମର ଟୁଇଟର ଇମୋଜି ମଧ୍ୟ ଅପଲୋଡ୍ ହୋଇ ସାରିଛି ।