ଢେଙ୍କା ଗ୍ରାମପଞ୍ଚାୟତରେ ବ୍ଲକ ସ୍ତରୀୟ ଜାତୀୟ ଯୁବ ଦିବସ ତଥା ସ୍ୱାମୀ ବିବେକାନନ୍ଦଙ୍କ ଜନ୍ମଜୟନ୍ତୀ ପାଳିତ

ହାଟଡିହି, (ବିକାଶ ବିଶ୍ୱାଳ ) : ଅସ୍ପାୟାର ଦ୍ୱାରା ହାଟଡିହି ବ୍ଲକ ଢେଙ୍କା ଗ୍ରାମପଞ୍ଚାୟତ ରେ ବ୍ଲକ ସ୍ତରୀୟ ଜାତୀୟ ଯୁବ ଦିବସ ତଥା ସ୍ୱାମୀ ବିବେକାନନ୍ଦ ଙ୍କ ଜନ୍ମଜୟନ୍ତୀ ପାଳିତ ହୋଇଯାଇଛି। ଏହି ଅବସରରେ ଶିକ୍ଷା ସଚେତନତା ଶୋଭାଯାତ୍ରା ଏବଂ ଯୁବ ସମ୍ମିଳନୀ ଆୟୋଜିତ ହୋଇଥିଲା । ଉକ୍ତ କାର୍ଯ୍ୟକ୍ରମ ରେ ଆସ୍ପାୟାର ଶିକ୍ଷା ସଂଯୋଜକ ଦୁଷ୍ମନ୍ତ କୁମାର ସାହୁ ଙ୍କ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଉପାଧ୍ୟକ୍ଷ ସୋମନାଥ ଦାସ ଏବଂ ମୁଖ୍ୟବକ୍ତା ଭାବେ ବିଶିଷ୍ଟ ସମାଜସେବୀ ତଥା ସେଣ୍ଟ ଜାଭିଅର ହାଇସ୍କୁଲର ପ୍ରତିଷ୍ଠାତା ଉଦୟନାଥ କର, ସମ୍ମାନିତ ଅତିଥି ଭାବରେ ଢେଙ୍କା ଗ୍ରାମପଞ୍ଚାୟତର ସରପଞ୍ଚ ସୁବାସିନୀ ସେଠୀ, ଆସ୍ପାୟାର ହାଟଡିହି ବ୍ଲକ ସଂଯୋଜକ କୃପାସିନ୍ଧୁ ସିଂ, ଆସ୍ପାୟାର ହାଟଡିହି ବ୍ଲକ ବିଦ୍ୟାଳୟ ପରିଚାଳନା କମିଟିର ସଂଯୋଜକ ଧୀରେନ୍ଦ୍ର ନାଥ ଖଟୁଆ ପ୍ରମୁଖ ଯୋଗଦେଇ ବିବେକାନନ୍ଦଙ୍କ ଜୀବନୀ ଏବଂ ତାଙ୍କ ଲକ୍ଷ୍ୟ ବିଷୟରେ ଆଲୋଚନା କରିବା ସହ ଆଜିର ସମାଜରେ ଯୁବକ ମାନଙ୍କର ଦାୟିତ୍ୱ କର୍ତ୍ତବ୍ୟ ବିଷୟରେ ଆଲୋଚନା କରିଥିଲେ। ଆଜିର ଯୁବଗୋଷ୍ଠୀ ସମାଜ ସଂସ୍କାରର ବାର୍ତ୍ତାବହ ହେବା ଉଚିତ ବୋଲି ମୁଖ୍ୟ ବକ୍ତା ଶ୍ରୀ କର ମତବ୍ୟକ୍ତ କରିଥିଲେ। ସମ୍ୱନ୍ୱିତ ଶିଶୁ ବିକାଶ ସଂଯୋଜକ ଜୀବନଜ୍ୟୋତି ରାଉତ ମଞ୍ଚ ପରିଚାଳନା କରିଥିବା ବେଳେ ସତ୍ୟବ୍ରତ ଜେନା ସମସ୍ତ ଉପସ୍ଥିତ ଅତିଥି ଏବଂ ଅଂଶଗ୍ରହଣକାରୀ ଙ୍କୁ ଧନ୍ୟବାଦ ଅର୍ପଣ କରିଥିଲେ। ସୁମିତ ସୁଭାଶିଷ ପାତ୍ର, ଅମ୍ଳାନ କୁମାର ଜେନା, ଦଶରଥ ମାଝୀ, ବିପିନି କୁଅଁର, ଯୁବରାଜ ଖଜୁରିଆ, ଆଦିତ୍ୟ ରଞ୍ଜନ ପଟ୍ଟନାୟକ, ପ୍ରିୟଦର୍ଶିନୀ ପରିଡା, ମଧୁସ୍ମିତା ବାରିକ, ସାଇପ୍ରିୟା ମାଝୀ, ଅରବିନ୍ଦ ସାହୁ ଙ୍କ ସମେତ ସମସ୍ତ ଜି. ପି. ସି. ଏମ ଏବଂ ଏଲ. ଇ. ପି -ଶିକ୍ଷକ ଓ ସ୍ୱେଚ୍ଛାସେବୀ କାର୍ଯ୍ୟକ୍ରମ ସଫଳ କରିବା ନିମନ୍ତେ ପୂର୍ଣ୍ଣ ସହଯୋଗ କରିଥିଲେ l