ଗଦାଧରପୁରରେ ଲୋକକଳା ଉତ୍ସବ ପାଳିତ

ଘଟଗାଁ, (ନାରାୟଣ ପଲେଇ) : ଆଜି ଘଟଗାଁ ବ୍ଲକର ଗଦାଧରପୁର ଗ୍ରାମ ରଜ ପଡିଆ ଠାରେ ଆଜାଦୀ କା ଅମୃତ ମହୋତ୍ସବ ବିଷୟ ଆଧାରିତ ଲୋକକଳା ଉତ୍ସବ ଅନୁଷ୍ଠିତ ହୋଇଯାଇଛି। ସୂଚନା ଥାଉ କି ରାଜ୍ୟ ସଂସ୍କୃତି ବିଭାଗ ତରଫରୁ କେନ୍ଦୁଝର ଜିଲ୍ଲା ପାଇଁ ଗଦାଧରପୁର ଗ୍ରାମକୁ ଲୋକକଳା ଗ୍ରାମ ରୂପେ ସ୍ୱୀକୃତି ଦିଆଯାଇ ଏହି ଉତ୍ସବର ଆୟୋଜନ କରାଯାଇଅଛି । ଘଷିପୁରା ବିଧାୟକ ବଦ୍ରିନାରାୟଣ ପାତ୍ର ମୁଖ୍ୟ ଅତିଥି ରୂପେ ଯୋଗଦେଇ ଏହାକୁ ଉଦଘାଟନ କରିଥିଲେ । ସମ୍ମାନନୀୟ ଅତିଥି ରୂପେ କେନ୍ଦ୍ର ସାହିତ୍ୟ ଏକାଡେମୀ ବାଲ ପୁରସ୍କାର ପ୍ରାପ୍ତ ଲେଖକ ଡଃ ରାମଚନ୍ଦ୍ର ନାୟକ, ଘଟଗାଁ ବ୍ଲକ ଅଧ୍ୟକ୍ଷା ଦ୍ରୌପଦୀ ଦଣ୍ଡପାଟ, ବିଡ଼ିଓ ନାରାୟଣ ସାହୁ, ରାଷ୍ଟ୍ରପତି ପୁରସ୍କାର ପ୍ରାପ୍ତ ଶିକ୍ଷକ ରୋହିତ କୁମାର ବେହେରା, ଗଦାଧରପୁର ସରପଞ୍ଚ ସୁଦାମ ଚରଣ ପଇଦା ଓ ବ୍ଲକ କଳା ସଂସ୍କୃତି ସଂଘ ଉପସଭାପତି ଗଜେନ୍ଦ୍ର ବାରିକ ପ୍ରମୁଖ ଯୋଗଦେଇ କଳାକାର ମାନଙ୍କୁ ଉତ୍ସାହିତ କରିଥିଲେ। ଆଜିର ଏ ଉତ୍ସବରେ ପାଣ୍ଡବ ନାୟକ ଓ କାହ୍ନୁ ଚରଣ ପଇଦା ନିଜ ସାଥୀଙ୍କ ସହ ପାଲା ପରିବେଷଣ କରିଥିବା ବେଳେ ଆଇଏମବି ଲକ୍ଷ୍ମୀ ଅର୍ଜୁନବିଲା ଯୁବକ ସଂଘ ଓ ମେଲାଣର ଜଲେଇ ଯୁବକ ସଂଘ ଆଦିବାସୀ ନୃତ୍ୟ ପରିବେଷଣ କରିଥିଲେ । ସେହିପରି ଘଟଗାଁର ଚର୍ଚ୍ଚିତ କଣ୍ଠଶିଳ୍ପୀ ଆର .ଅଙ୍କିତା , ଆଲୋକ ଦେହୁରୀ ଏବଂ ଗଦାଧରପୁର ଗ୍ରାମର ଯୁବ ଗାୟକ ପ୍ରଶାନ୍ତ ନାୟକ ଲୋକକଳା ତଥା ଦେଶାତ୍ମବୋଧକ ସଙ୍ଗୀତ ପରିବେଷଣ କରି ଦର୍ଶକ ମାନଙ୍କୁ ବିମୋହିତ କରିଥିଲେ । ଘଟଗାଁ ଏବିଡ଼ିଓ ତଥା ଯୁବକବି ଚିତ୍ତରଞ୍ଜନ ନାୟକ ଉତ୍ସବ ପରିଚାଳନା କରିଥିଲେ। ସମସ୍ତ ଅଂଶଗ୍ରହଣକାରୀ କଳାକାରଙ୍କୁ ମାନପତ୍ର ଓ ପୁଷ୍ପଗୁଚ୍ଛ ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା । ଘଟଗାଁ ବ୍ଲକ ଭାରପ୍ରାପ୍ତ ସାମାଜିକ ସୁରକ୍ଷା ଅଧିକାରୀ ବିପିନ ଚନ୍ଦ୍ର ଖଣ୍ଡା, ଗଦାଧରପୁର ନିର୍ବାହୀ ଅଧିକାରୀ ଚିତ୍ରସେନ ମହାନ୍ତ, ଗ୍ରାମ ରୋଜଗାର ସେବକ ରଣଜିତ ବାରିକ, ଭବାନୀ ମହାନ୍ତ, ପ୍ରତାପ ଚନ୍ଦ୍ର ବେହେରା, ଅମୂଲ୍ୟ ବେହେରା ଓ କେଶବାନନ୍ଦ ବେହେରା ପ୍ରମୁଖ ଆନୁଷଙ୍ଗିକ ସହଯୋଗ ଯୋଗେଇଦେବା ସହ ଉତ୍ସବକୁ ସଫଳ କରିଥିଲେ । ଏହି ଉତ୍ସବରେ ସ୍ୱତନ୍ତ୍ର ଭାବେ ନିମନ୍ତ୍ରିତ ହୋଇ ବିଭିନ୍ନ ଗଣମାଧ୍ୟମର ପ୍ରତିନିଧି ଯୋଗଦେବା ସହ କଳାକାର ମାନଙ୍କୁ ଉତ୍ସାହିତ କରିଥିଲେ ।