ଦାଦନ ଖୋଟିବାକୁ ଯାଇ ମୃତୁ ବରଣ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ନୂଆଗଡ଼ ବ୍ଲକ ଅନ୍ତର୍ଗତ ବଡ଼ପଦା ଗ୍ରାମର ଶୁଭନ୍ୟ ପାଣି(୪୭) ଦାଦନ ଖୋଟିବାକୁ ଯାଇ ଘରକୁ ଫେରିବା ବାଟରେ ମୃତୁ ବରଣ କରିଥିଲେ। ରେଡ କ୍ରସ ପାଣ୍ଠି ସାହାଯ୍ୟରେ ଗାଁ ରେ ପହଞ୍ଚିଲା ମର ଶରୀର। ସୂଚନା ମୁତାବକ ସୁଭନ୍ୟ ପାଣି ତାମିଲନାଡୁ ରାଜ୍ୟ ତ୍ରିପୁର ଠାରେ ଦାଦନ ଖଟିବାକୁ ଯାଇଥିଲେ। ଟ୍ରେନ ଯୋଗେ ସେ ତ୍ରିପୁର ଠାରୁ ପଲାସା ଆସିବା ସମୟରେ ବ୍ୟକ୍ତି ଜଣକର ମୃତ୍ୟୁ ଘଟିଥିଲା। ସାଙ୍ଗରେ କେହିଁ ନଥିବା କାରଣରୁ ମର ଶରୀରଟି ପଶ୍ଚିମ ବଙ୍ଗର ଖଡ଼କପୁରରେ ଯାଇ ପହଞ୍ଚି ଥିଲା। ପରିବାର ବର୍ଗ କୌଣସି ମତେ ସୂଚନା ପାଇ ଖଡ଼କ ପୁର ରେଳ ପୁଲିସକୁ ଯୋଗାଯୋଗ କରିଥିଲେ। ରେଳବାଇ ପୋଲିସର ମରଶରୀରକୁ ଟ୍ରେନରୁ ଓହ୍ଲାଇ ସବ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ଯୋରୁରି କାଳୀନ ପରିସ୍ଥିତିରେ ନୂଆଗଡ଼ ବ୍ଲକ ବିଡିଓଙ୍କ ନିର୍ଦ୍ଦେଶ କ୍ରମେ ରେଡ କ୍ରସ ପାଣ୍ଠି ସହାୟତାରେ ସେଠାରୁ ଆମ୍ବୁଲାନ୍ସ ଯୋଗେ ମର ଶରୀରଟି ଗାଁ ରେ ପହଞ୍ଚିଲା।