ଦିବ୍ୟାଙ୍ଗ ପିଲାଙ୍କ ଗହଣରେ ହୋଲି ଉତ୍ସବ
କେନ୍ଦ୍ରାପଡା : ଦିବ୍ୟାଙ୍ଗ ପିଲାମାନଙ୍କ ଗହଣରେ ହୋଲି ଖେଳିଲେ କେନ୍ଦ୍ରାପଡା ପୈାରପାଳିକା ଓ ଆଶ୍ରୟସ୍ଥଳିର କର୍ମଚାରୀ । କେନ୍ଦ୍ରାପଡା ପୈାରପାଳିକା ଓ ବିକାଶ ସଂସ୍ଥା ଦ୍ୱାରା ପରିଚାଳିତ ହଜାରୀବଗିଚାସ୍ଥିତ ଆଶ୍ରୟସ୍ଥଳି ଓ ଅଯ୍ୟୋଦ୍ଧାନଗରସ୍ଥିତ ଦୃଷ୍ଟିବାଧିତ ବିଦ୍ୟାଳୟର ଅନ୍ତେବାସିନୀଙ୍କ ସହିତ ପୈାରକର୍ମଚାରୀମାନେ ଏକ ନିଆରା ଢଙ୍ଗରେ ରଙ୍ଗର ପର୍ବ ହୋଲି ପାଳନ କରିଥିଲେ । ଅନ୍ତେବାସୀଙ୍କୁ ମିଠା ଖୁଆଇ ଓ ତାଙ୍କ ମୁହଁରେ ଅଭିର ଲଗାଇ ଅତ୍ୟନ୍ତ ଉତ୍ସାହ ଓ ଉଦ୍ଦିପନା ସହିତ ହୋଲିପର୍ବ ପାଳନ କରିଥିଲେ । ଏହି କାର୍ଯ୍ୟକ୍ରମରେ ଆଶ୍ରୟସ୍ଥଳି ଦାଇତ୍ୱରେ ଥିବା ଅସୀତ କୁମାର ସାହୁ, ମୋବିଲାଇଜର ସେକ ରିଜୱାନ, କେଆର ଗିଭର ଦେବେନ୍ଦ୍ର ବାରିକ, ଗଗନ ସ୍ୱାଇଁ, ପୈାରପାଳିକାର ଏସଡବ୍ଲୁଏମର ସୁପରଭାଇଜର ତଥା ସମାଜସେବୀ ମଧୁସ୍ମିତା ସିଂ, ରୋଜାଲିନ ଦାସ, ସ୍ୱଛସାଥୀ ମମତା ସେଠୀ ପ୍ରମୁଖ । ଅନ୍ୟମାନଙ୍କ ମଧ୍ୟରେ ବିଷ୍ଣୁ ପ୍ରସାଦ ବ୍ରହ୍ମଚାରୀ, ସେକ ଅବୁ ଜଲାଲ, ସେକ ନସିଫ ପ୍ରମୁଖ ଉପସ୍ଥିତ ଥିବା ବେଳେ ଦିବ୍ୟାଙ୍ଗ ଅନ୍ତେବାସୀମାନଙ୍କୁ ବିକାଶ ଅନୁଷ୍ଠାନର ପ୍ରୋଗ୍ରାମ ମ୍ୟାନେଜର ସୁଶାନ୍ତ କୁମାର ବେହେରା, ପ୍ରୋଗ୍ରାମ ନିର୍ଦେଶକ ଆଶୁତୋଷ ହୋତା, ସମ୍ପାଦକ ବିବେକାନନ୍ଦ ମିଶ୍ର ପ୍ରମୁଖ ହୋଲିର ଅଭିନନ୍ଦନ ଜଣାଇଥିଲେ ।
