‘ଦିଲ୍ ବେଚାରା’ର ଡିଜିଟାଲ ରିଲିଜକୁ ବିରୋଧ
ମୁମ୍ବାଇ: ଦିବଂଗତ ଅଭିନେତା ସୁଶାନ୍ତ ସିଂଙ୍କ ବହୁ ପ୍ରତିକ୍ଷୀତ ଫିଲ୍ମ ଦିଲ୍ ବେଚାରାର ଟ୍ରେଲର ରିଲିଜ୍ ହୋଇଛି । ଏହାକୁ ଭଲ ରେସ୍ପନ୍ସ ମଧ୍ୟ ମିଳିଛି । ପ୍ରଶଂସକମାନେ ସୁଶାନ୍ତଙ୍କୁ ମନେପକାଇ ଭାବବିହ୍ୱଳ ହେଉଛନ୍ତି । ସୋସିଆଲ ମିଡ଼ିଆ ପ୍ଳାଟ୍ଫର୍ମରେ ଏହି ଟ୍ରେଲରକୁ ଜୋରଦାର ସେୟାର କରାଯାଉଛି । ତେବେ ଫିଲ୍ମର ଏହି ଅନ୍ଲାଇନ୍ ରିଲିଜକୁ ମୁମ୍ବାଇ ବିଶ୍ୱବିଦ୍ୟାଳୟର ଜଣେ ଆଇନ ବିଭାଗ ଛାତ୍ର ଆଶିଷ ରାୟ କରିଛନ୍ତି ବିରୋଧ । ସେ ଜାତୀୟ ମାନବ ଅଧିକାର କମିଶନଙ୍କୁ ଚିଠି ଲେଖି ନିଜକୁ ସୁଶାନ୍ତଙ୍କ ଜଣେ ବଡ଼ ପ୍ରଶଂସକ ଭାବେ ଉଲ୍ଲେଖ କରି କହିଛନ୍ତି ଯେ, ଦିଲ୍ ବେଚାରା ବଡ଼ ପରଦାରେ ରିଲିଜ୍ ନହେବା ଦରକାର । ଆଶିଷ କହିଛନ୍ତି ଯେ, ଯେଉଁଭଳି ତରବରିଆ ଭାବେ ଏହି ଫିଲ୍ମକୁ ହଟଷ୍ଟାର ଡିଜିନ୍ରେ ରିଲିଜ୍ କରାଗଲା ତାକୁ ବ୍ୟାନ୍ କରିବା ଦରକାର । ପୂର୍ବରୁ ବିଶ୍ୱବ୍ୟାପୀ ସୁଶାନ୍ତଙ୍କ ପ୍ରଶଂସକମାନେ ଦେଶରେ କରୋନା ମହାମାରୀ ଶେଷ ହେବା ପରେ ଫିଲ୍ମକୁ ବଡ଼ ପରଦାରେ ରିଲିଜ୍ କରିବାକୁ ଚାହୁଁଛନ୍ତି । ଦୀପାବଳି କିମ୍ବା ନୂଆବର୍ଷ ସମୟରେ ଏହା ରିଲିଜ୍ କରିବା ଭଲ ହୋଇଥାନ୍ତା । ମାତ୍ର ତରବର ଭାବେ ଏହାକୁ ରିଲିଜ୍ କରାଯାଇଛି । ତୁରନ୍ତ ଏହାକୁ ବ୍ୟାନ୍ କରିବାକୁ ସେ ଚିଠିରେ ଅନୁରୋଧ କରିଛନ୍ତି ।
