ଦୁଇ ବିଦ୍ୟାଳୟରେ ପୋଷାକ ବଣ୍ଟନ ମେଳା
ବୁଗୁଡା,(ଯୁଗାବ୍ଦ ନ୍ୟୁଜ୍): ବୁଗୁଡା ବ୍ଲକ ଅନ୍ତର୍ଗତ ଆଦିପୁର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ଓ ବିରଞ୍ଚିପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ପୋଷାକ ଓ ଜୋତା ବଣ୍ଟନ ମେଳା ଶୁକ୍ରବାର ଅନୁଷ୍ଠିତ ହୋଇଯାଇଛି। ଆଦିପୁର ସ୍କୁଲରେ ପ୍ରଧାନ ଶିକ୍ଷକ ଇ ପଦ୍ମନାଭ ପାତ୍ରଙ୍କ ସଂଯୋଜନାରେ ଅନୁଷ୍ଟିତ ମେଳାରେ ରାମ କୃଷ୍ଣ ସାହୁ ଅଧ୍ୟକ୍ଷତା କରିଥିବା ବେଳେ ଅତିଥିଭାବେ ଏବିଇଓ ପୀତାମ୍ବର ବିଷୋୟୀ ଏବଂ ପ୍ରମୋଦ ଚନ୍ଦ୍ର ସେନାପତି ଓ ସ୍କୁଲ ସଭାପତି ମଳୟ କୁମାର ଜେନା ଯୋଗ ଦେଇଥିଲେ।ଶିକ୍ଷକ ଜୟନ୍ତ ପଟ୍ଟନାୟକ ଧନ୍ୟବାଦ ପ୍ରଦାନ କରିଥିଲେ।ସେହିପରି ବିରଞ୍ଚିପୁର ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ସିତରାମ ସେଠୀ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ଭାବେ ଏବିଇଓ ପ୍ରମୋଦ ଚନ୍ଦ୍ର ସେନାପତି ଏବଂ ସମ୍ମାନୀତ ଅତିଥି ଭାବେ ସ୍କୁଲ ସଭାପତି ସୂର୍ୟ୍ୟ ନାରାୟଣ ସାହୁ,ସିଆରସିସି ସନ୍ତୋଷ କୁମାର ସାହୁ, ଆଶୁତୋଷ ମିଶ୍ର ଓ ଭବାନୀ ଶଙ୍କର ପାତ୍ର ଯୋଗ ଦେଇଥିଲେ। ଉଭୟ ବିଦ୍ୟାଳୟରେ ଅତିଥି ବୃନ୍ଦଙ୍କ ଦ୍ୱାରା ଛାତ୍ରୀ ଓ ଛାତ୍ର ମାନଙ୍କୁ ପୋଷାକ ଓ ଜୋତା ବଣ୍ଟନ କରାଯାଇଥିଲା।


