ଦୁର୍ଘଟଣାରେ ମହିଳାଙ୍କ ମୃତ୍ୟୁ ଘଟଣା

ଦିଗପହଣ୍ଡି, (ଅଳକ ନାଥ ମିଶ୍ର):ଦିଗପହଣ୍ଡି ପୁଲିସ ସୋମବାର ଗୋଳନ୍ଥରା ଥାନା ମେଣ୍ଡରାଜପୁର ଗ୍ରାମର ଗାଡ଼ି ଚାଳକ କବିସୂର୍ଯ୍ୟ ପାତ୍ର ଓରଫ କବି ଙ୍କୁ ଗିରଫ କରି ଥାନା ମାମଲା ନଂ.୩୧/୨୫ ଅନୁଯାୟୀ କୋର୍ଟ ଚାଲାଣ କରିଛନ୍ତି। ଦିଗପହଣ୍ଡି ସ୍ଥିତ ଖେମୁଣ୍ଡି କଲେଜ ନିକଟ ରେ ଗତ ଶୁକ୍ରବାର ପୂର୍ବାହ୍ନ ପ୍ରାୟ ସାଢ଼େ ୧୧ ଟାରେ ବ୍ରହ୍ମପୁର ଠାରୁ ରାୟଗଡ଼ା ଅଭିମୁଖେ ଯାଉଥିବା ଏକ ଟ୍ରକ୍ (ନଂ.ଓଡ଼ି ୦୭ ବି -୬୩୫୪) ମାଡ଼ି ଯିବାରୁ ଦିଗପହଣ୍ଡି ଥାନା ଭୀଷ୍ମଗିରି ଗ୍ରାମର ପି. ରାନି ପାତ୍ର(୨୩) ନାମ୍ନୀ ମହିଳା ଘଟଣାସ୍ଥଳ ରେ ମୃତ୍ୟୁବରଣ କରିଥିଲେ।ଦୁର୍ଘଟଣାରେ ତାଙ୍କ ସ୍ବାମୀ ପି. ଲକ୍ଷ୍ମୀନାରାୟଣ ପାତ୍ର ଏବଂ ତାଙ୍କ ଦେଢବର୍ଷ ର ଝିଅ ଲିଟଲି ସାମାନ୍ୟ ଆହାତ ହୋଇଥିଲେ। ଘଟଣାସ୍ଥଳରୁ ଟ୍ରକ୍ ଚାଳକ କବିସୂର୍ଯ୍ୟ ଫେରାର ହୋଇଯାଇଥିଲେ।