ଦେଉଳି ମିନି ଷ୍ଟାଡିୟମରେ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଟିତ

କଟକ, (ଯୁଗାବ୍ଦ ନ୍ୟୁଜ):ମୌଜା ଦହିଗାଁ “ମା ବରୁଣେଇ ଫୁଟବଲ ଟିମ” ପକ୍ଷରୁ ଦେଉଳି ମିନି ଷ୍ଟାଡିୟମରେ ଏକ ‘ଏକ ଦିବସୀୟ’ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । “ବିକ୍ରମ ଓ ମିନତୀ ମେମୋରିଆଲ” ନାମରେ ଅନୁଷ୍ଠିତ ଏହି ଖେଳରେ ୮ ଦଳ ଭାଗ ନେଇଥିଲେ । ଫାଇନାଲ ମ୍ୟାଚରେ ଖାନନଗରର “ମା ମଙ୍ଗଳା କ୍ଳବ୍” ବରାହିପୂରର “ସୁପ୍ରିମ କ୍ଳବ”କୁ ହରାଇ ଚମ୍ପିୟାନ ହୋଇଥିଲେ । ଅତିଥି ଭାବରେ ଶିକ୍ଷାବିତ୍ ମନୋଜ ନାୟକ,ମିହିର ରଞ୍ଜନ ପତି ଓ ଆଇନଜୀବୀ ପ୍ରମୋଦ ପତି ଯୋଗ ଦେଇ ଚମ୍ପିୟାନ ଦଳକୁ ଟ୍ରଫି ସହ ୭ ହଜାର ଓ ରନର୍ସ ଅପ୍ ଦଳକୁ ଟ୍ରଫି ସହ ୬ ହଜାର ଟଙ୍କା ପ୍ରଦାନ କରି ସମ୍ବର୍ଦ୍ଧିତ କରିଥିଲେ ।