ନଦୀରୁ ଦୁଇ ଯୁବକଙ୍କ ଶବ ଉଦ୍ଧାର
ନିଶ୍ଚିନ୍ତକୋଇଲି,(ୱାଏନଏସ): ବ୍ଲକ ମହମ୍ମଦ ପୁର ଗ୍ରାମର ଦୁଇ ଯୁବକଙ୍କ ଶବ ଆଜି ସକାଳେ ଚିତ୍ରୋପ୍ତଳା ନଦୀରୁ ଉଦ୍ଧାର କରଯାଇଛି | ଗତ କାଲି ଅପରାହ୍ନରେ ମହମ୍ମଦ ପୁର ଗ୍ରାମର ବାବୁଲି ବେହେରାଙ୍କ ପୁତ୍ର ଚନ୍ଦନ ବେହେରା ୨୧ ବର୍ଷ ଏବଂ ଚିତ୍ତରଞ୍ଜନ ପାତ୍ର ଙ୍କ ପୁତ୍ର ବିଜୟ କୁମାର ପାତ୍ର ୨୧ ବର୍ଷ ସ୍ଥାନୀୟ ଚାଟରା ଘାଟରେ ଗାଧୋଉ ଥିଲା ବେଳେ ବୁଡ଼ି ଯାଇଥିଲେ | କୋରୁଆ ଦମକଳ ବାହିନୀ କିସନ ନଗର ଥାନା ପୋଲିସ, ଓଡ୍ରାଫ ଟିମ, ଓ ସ୍ଥନୀୟ ଲୋକେ ନଦୀରେ ଖୋଜା ଖୋଜି କରିଥିଲେ ମଧ୍ୟ ଏହି ଦୁଇଜଣଙ୍କୁ ପାଇନଥିଲେ | ଆଜି ସକାଳେ ଏହି ଦୁଇ ଯୁବକଙ୍କ ଶବ ନଦୀରେ ଭାସୁଥିବାର ଲୋକେ ଦେଖିବାକୁ ପାଇଥିଲେ | ଖବର ପାଇ କିଶନ ନଗର ଥାନା ପୋଲିସ ଘଟଣା ସ୍ଥଳରେ ପହଁଞ୍ଚି ଦୁଇ ଯୁବକଙ୍କ ଶବକୁ ଜବତ କରି ବ୍ୟବଚ୍ଛେଦ ନିମନ୍ତେ କଟକ ବଡ଼ ମେଡିକାଲ କୁ ପଠାଇଛନ୍ତି | ଏ ସମ୍ପର୍କରେ କିଶନନଗର ଥାନାରେ ଦୁଇଟି ଅପମୃତ ମାମଲା ରୁଜୁ ହୋଇଛି | ଏହି ଘଟଣାଟି ସ୍ଥାନୀୟ ଅଞ୍ଚଳରେ ଗଭୀର ଶୋକର ଛାୟା ଖେଳାଇ ଦେଇଛି |
