ନବରଙ୍ଗପୁର ରେ ଅନ୍ତର୍ଜାତୟ କିନ୍ନର ଦିବସ ପାଳିତ

ନବରଙ୍ଗପୁର,(ୱାଇଏନଏସ): ଜିଲ୍ଲା ପ୍ରଶାସନ ଏବଂ ଜିଲ୍ଲା କିନ୍ନର ସଂଘ ଆନୁକୁଲ୍ୟରେ ଅନ୍ତର୍ଜାତୟ କିନ୍ନର ଦିବସ ମହାସମାରୋହରେ ପାଳିତ ହୋଇଯାଇଛି। ଏହି ଅବସରରେ ସ୍ଥାନୀୟ ମା ଭଣ୍ଡାର ଘରଣୀ ମନ୍ଦିର ରେ କିନ୍ନର ପରମ୍ପରା ଅନୁଯାୟୀ ମା ବହୁଚାରୀ ମାତାଙ୍କ ପୂଜା ଅର୍ଚ୍ଚନା ପୂର୍ବକ ବାଜା ବାଜଣା ସହ ଏକ ଶୋଭାଯାତ୍ରା ବାହାରି ବିନାୟକ ଭବନ ଠାରେ ପହଞ୍ଚି ଥିଲା। ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲାପାଳ ଡକ୍ଟର ଶୁଭଙ୍କର ମହାପାତ୍ର ଯୋଗ ଦେଇ ସରକାରଙ୍କ ର ବିଭିନ୍ନ ଯୋଜନାରେ କିନ୍ନର ମାନେ ସାମିଲ ହୋଇ ସ୍ବାବଲମ୍ବୀ ହେବା ପାଇଁ ଆହ୍ୱାନ ଦେଇଥିଲେ। କାର୍ଯ୍ୟକ୍ରମରେ ସମାଜ ମଙ୍ଗଳ ଅଧିକାରୀ ସୁଧାଂଶୁ ପାତ୍ର,ଜିଲ୍ଲା କିନ୍ନର ସଂଘର ଅଧକ୍ଷ ମନୋଜ କୁମାର ପଟ୍ଟନାୟକ,ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋଜ ବେହେରା, ସମାଜସେବୀ ତଥା କିନ୍ନର ସଂଘର ସହର ଉପଖଣ୍ଡ ଉପଦେଷ୍ଟା ନୀନିବାବୁ ତ୍ରିପାଠୀ, ସଂଘର କାର୍ଯ୍ୟନିବାହୀ ସଭ୍ୟା ତଥା ଅଧିବକ୍ତା କିଶୋରୀ ପଟ୍ଟନାୟକ, କାଉନସିଲର ଶର୍ମିଷ୍ଠା ଦେଓ , ଆଶକିରଣ ନିର୍ଦ୍ଦେଶକ ଜଗନ୍ନାଥ ବେହେରା, ପ୍ରମୁଖ ଯୋଗ ଦେଇଥିବା ବେଳେ ସମାଜ ମଙ୍ଗଳ ବିଭାଗର ଅଧିକାରୀ ଏ ଧନଞ୍ଜୟ ରାଓ ସଭା ପରିଚାଳନା କରିଥିଲେ। ଜିଲ୍ଲା ପ୍ରଶାସନ ପକ୍ଷରୁ ଜିଲ୍ଲା କିନ୍ନର ସଂଘ ନିମନ୍ତେ ନୂତନ ଚେୟାର ଟେବୁଲ୍ ସମେତ ବାସନ କୁସନ, ଗ୍ୟାସ ଏବଂ ସମସ୍ତ ରୋଷେଇ ଆସବାବ ପତ୍ର ଜିଲ୍ଲା କିନ୍ନର ସଂଘର ସଭାପତି କାଜଲ କିନ୍ନର, ସମ୍ପାଦକ ଚୁମକି କିନ୍ନର, ସହ ସମ୍ପାଦକ ପ୍ରୀତି କିନ୍ନର ପ୍ରମୁଖଙ୍କୁ ପ୍ରଦାନ କରାଯାଇଥିଲା । କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ମିଥୁନ ତ୍ରିପାଠୀ,ଅମ୍ରିତା ଭୂଷଣ, ଶକୁନ୍ତଳା ଭତ୍ରା , ମନିଶା ରଥ, ସୁବ୍ରତ କିସାନ,ସୌମ୍ୟ ରଂଜନ ନାୟକ, ପୀତବାସ ରଜକ, ବିଶ୍ୱଜିତ୍ ,ସାନୁ ହରିଜନ, ନବୀନ ଅମନାତ୍ୟ ସେହିପରି ଜିଲ୍ଲା କିନ୍ନର ସଂଘ ପକ୍ଷରୁ ଜିଲ୍ଲାର ବିଭିନ୍ନ ଅଂଚଳରୁ ଆସିଥିବା ଅନିତା, ରାଧା, ତୁଳସୀ, ପ୍ରିୟଙ୍କା, ତନୁଜା ଅର୍ଣାଲାତା, ଡମୁଣି, ବର୍ଷା, ବଇଦି, ଇପ୍ସିତା, ବିମଳା, ଅଞ୍ଜୁ, ବିପର୍ନା, ଗୋପା ଏବଂ ଜୟନ୍ତୀ ପ୍ରମୁଖ କିନ୍ନର କାର୍ଯ୍ୟକ୍ରମ ସଫଳ କରିବାରେ ସହଯୋଗ କରିଥିଲେ।