ନବ ନିର୍ବାଚିତ ଲୋକସଭା ଏବଂ ବିଧାନସଭା ପ୍ରତିନିଧି ମାନଙ୍କୁ ସ୍ୱାଗତ

କେନ୍ଦ୍ରାପଡା ୨/୬- କେନ୍ଦ୍ରାପଡା ଜିଲ୍ଲା ବିକାଶ ସାମ୍ମୁଖ୍ୟ ତରଫରୁ ଡଃ. ଉପେନ୍ଦ୍ର ନାଥ ପ୍ରଧାନଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଜିଲ୍ଲାରେ ନବ ନିର୍ବାଚିତ ସାଂସଦ ଅନୁଭବ ମହାନ୍ତି, ବିଧାୟକ କେନ୍ଦ୍ରାପଡା ଶଶିଭୂଷଣ ବେହେରା, ବିଧାୟକ ଆଳି ପ୍ରତାପ କେଶରୀ ଦେବ, ପାଟକୁରା ବିଧାୟକ ଅତନୁ ସବ୍ୟସାଚୀ ନାୟକ, ରାଜନଗର ବିଧାୟକ ଧ୍ରୁବ ଚରଣ ସାହୁଙ୍କୁ ସଂଗଠନ ତରଫରୁ ସଂପାଦକ ଅଧ୍ୟାପକ ଅଜୟ ସାମଲ ଅଭିନନ୍ଦନ ଜଣାଇଛନ୍ତି । ଗତ ନିର୍ବାଚନ ସମୟରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ରାପଡାର ବିକାଶ ମୋର ଦାୟିତ୍ୱ ବୋଲି ମନ୍ତବ୍ୟ ଦେଇଥିଲେ । ଆଗାମୀ ଦିନରେ ସମସ୍ତ ନବ ନିର୍ବାଚିତ ଲୋକ ପ୍ରତିନିଧିମାନେ ଜିଲ୍ଲାର ବିକାଶ ପାଇଁ ବିଚାର ବିମର୍ଷ କରି ନିର୍ଦ୍ଦିଷ୍ଟ କାର୍ଯ୍ୟ ଖସଡା ପ୍ରସ୍ତୃତ କରି ମାନ୍ୟବର ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ପାଇଁ ବିକାଶ ସାମ୍ମୁଖ୍ୟ ତରଫରୁ ଆହ୍ୱାନ ଦିଆଯାଉଅଛି । ଉକ୍ତ ବୈଠକରେ ସର୍ବଶ୍ରୀ ଡା. ରମାନାଥ ମହାନ୍ତି, ବୈଷ୍ଣବ ଚରଣ ସ୍ୱାଇଁ, ଅମୀୟ କୁମାର ନାୟକ, ଭାଗିରଥି ଜେନା, ବୈଷ୍ଣବ ଚରଣ ପ୍ରଧାନ, ମନ୍ମଥ କୁମାର ରାଉତ, ସୁରେଶ ଚନ୍ଦ୍ର ପଟ୍ଟନାୟକ, ଶ୍ରୀନିବାସ ପରିଡା, କୃଷ୍ଣଚନ୍ଦ୍ର ଜେନା, ମଧୁସୁଦନ ବାରିକ, ଦୁଃଖିଶ୍ୟାମ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ । ମହାକାଳପଡାରେ ଘଟିଥିବା ଅଗ୍ନି ବିପନ୍ନ ପରିବାରକୁ ସରକାରୀ ଅବସରପ୍ରାପ୍ତ କର୍ମଚାରୀ ସଂଗଠନ ତରଫରୁ ସମବେଦନା ଜଣାଇଥିଲେ । ଶେଷରେ କୃତିବାସ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ