ନାଉଗାଁ ବ୍ଳକର ବିଭିନ୍ନ ସ୍ଥାନରେ ଗୋପବନ୍ଧୁ ଜୟନ୍ତୀ ପାଳିତ
ନାଉଗାଁ, (ଯୁଗାବ୍ଦ ନ୍ୟୁଜ):ନାଉଗାଁ ବ୍ଳକର ବିଭିନ୍ନ ସ୍ଥାନରେ ଉତ୍କଳମଣୀ ଗୋପବନ୍ଧୁ ଦାସଙ୍କ ଜୟନ୍ତୀ ପାଳନ କରାଯାଇଛି । ଏହି ଅବସରରେ ବାଂଶ ଗ୍ରାମର ଯୁଗଧ୍ୱନି ପାଠାଗାର ପକ୍ଷରୁ ସଦସ୍ୟମାନେ ଶୋଭାଯାତ୍ରାରେ ଆସି ନାଉଗାଁ ବଜାରସ୍ଥିତ ଗୋପବନ୍ଧୁଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିଥିଲେ । ପରେ ପାଠାଗାର ପକ୍ଷରୁ ଗୋପବନ୍ଧୁଙ୍କ ଜିବନୀ ଉପରେ ପ୍ରବନ୍ଧ, ବକ୍ତୃତା ଓ ଫଟୋଚିତ୍ର ଅଙ୍କନ ପ୍ରତିଯୋଗିତାର ଆୟୋଜନ କରାଯାଇଥିଲା । ଚଳିତ ବର୍ଷ ଉକ୍ତ ଗ୍ରାମର ଛାତ୍ରୀ ମଧୁସ୍ମିତା ପରିଡା ମାଟ୍ରିକ ପରୀକ୍ଷାରେ ଏ-୧ ଗ୍ରେଡରେ ଉତୀର୍ଣ୍ଣ ହୋଇଥିବାରୁ ପାଠାଗାର ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମକୁ ସାମାଜସେବୀ ସୁବାସ ସ୍ୱାଇଁଙ୍କ ପୌରୋହିତ୍ୟରେ ଆୟୋଜିତ କାର୍ଯ୍ୟକ୍ରମରେ ପାଠାଗାରର ଉପଦେଷ୍ଟା ଅବସରପ୍ରାପ୍ତ ପ୍ରଧାନ ଶିକ୍ଷକ ବିଜୟ କୁମାର ସ୍ୱାଇଁ, ବିଶିଷ୍ଟ ଚିକିତ୍ସକ ଡାକ୍ତର ଅରୁଣ କୁମାର ରାଉତ, ଅବସରପ୍ରାପ୍ତ ଶିକ୍ଷକ ବଂଶୀଧର ବେହେରା ଅତିଥି ଭାବେ ଯୋଗ ଦେଇଥିଲେ । ଏହି କା୍ର୍୍ୟକ୍ରମକୁ ପାଠାଗାରର ସମସ୍ତ ସଦସ୍ୟ ପରିଚାଳନା କରିଥିଲେ । ସେହିପରି ପୂଜ୍ୟପୂଜା କମିଟି ତରଫରୁ ମୁଣ୍ଡାଳୋ ଠାରେ ଗୋପବନ୍ଧୁ ଜୟନ୍ତୀ ପାଳନ କରାଯାଇଥିଲା । କମିଟିର ସଭାପତି ବଂଶୀଧର ବେହେରା, ସଂପାଦକ ପ୍ରମୋଦ ସ୍ୱାମୀ, ରାଜେନ୍ଦ୍ର ପ୍ରସାଦ ମହାନ୍ତି, ଅଜୟ କୁମାର ବେହେରା, ପ୍ରଶାନ୍ତ ଲେଙ୍କା, ସୀତାଂଶୁ ଶେଖର ମହାପାତ୍ର ଆଦି ଗୋପବନ୍ଧୁଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିଥିଲେ । ସେହିପରି ରାଜ୍ୟ ଛାତ୍ର କଂଗ୍ରେସ ଉପସଭାପତି ସୁନିଲ ମାଟିଆ, ଜିଲ୍ଲା ଯୁବ ସାଧାରଣ ସଂପାଦକ ରଶ୍ମୀରଂଜନ ତ୍ରିପାଠୀ, ଜିଲ୍ଲା ଛାତ୍ର ସଭାପତି ସ୍ମୃତିରଂଜନ ଜେନା, ସୌମ୍ୟସଂଜୀବ ଦାସ, ସମାଜସେବୀ କ୍ରିଷ୍ଣାନନ୍ଦ ସାହୁ , ବିକାଶ ସ୍ୱାଇଁ ଆଦି ନାଉଗାଁ ବଜାରସ୍ଥିତ ଗୋପବନ୍ଧୁଙ୍କ ପ୍ରତିମୂର୍ତିରେ ମାଲ୍ୟାର୍ପଣ କରିଥିଲେ ।
