ନାଲକୋ ଆନ୍ତବିଭାଗୀୟ କ୍ରିକେଟ ପ୍ରତିଯୋଗିତା ଉଦଘାଟିତ

କୋରାପୁଟ,(ହେମନ୍ତ ପାଣଗ୍ରାହୀ):କୋରାପୁଟ ଜିଲ୍ଲା ଦାମନଯୋଡି ସ୍ଥିତ ଡ଼ଃ ବାବାସାହେବ ଆମ୍ବେଦକର ଷ୍ଟାଡିଅମଠାରେ ନାଲକୋ ଆନ୍ତ ବିଭାଗୀୟ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇଯାଇଛି। ପ୍ରତିଯୋଗିତାରେ ନାଲକୋ ଅଧିନସ୍ଥ ୬ ଗୋଟି ଟିମ ମାଇନ୍ସ, ସେର୍ଭିସେସ, ଅପରେସନ, ମେକାନିକାଲ, ଏସ୍ ଏସ୍ ପି ଓ ଇଲେକ୍ସକାଲ ଏଣ୍ଡ୍ ସି ଆଇ ଅଂଶଗ୍ରହଣ କରିଥିଲେ। ନାଲକୋର ଭାରପ୍ରାପ୍ତ କାର୍ଯ୍ୟ ନିର୍ବାହୀ ନିର୍ଦେଶକ ନିରଞ୍ଜନ ସାମଲ ମୁଖ୍ୟ ଅତିଥି ଭାବେ ଯୋଗ ଦେଇଥିବାବେଳେ ନାଲକୋ ଅଧିକାରୀ ପୁରୁଷୋତ୍ତମ ମହନ୍ତ, ଆଶିଷ ସେନାପତି, ସରୋଜ କୁମାର ନାଥ, ନାଲକୋ କ୍ରୀଡା ବିଭାଗର ମୁଖ୍ୟ ଆଶିଷ କୁମାର ମହାନ୍ତି ପ୍ରମୁଖ ସମ୍ମାନୀୟ ଅତିଥିଭାବେ ଯୋଗଦେଥିଲେ। ଉଦଘାଟନୀ ମ୍ୟାଚ ମାଇନ୍ସ ଓ ଅପେରସନ ମଧ୍ୟରେ ଅନୁଷ୍ଠିତ ହୋଇଥିଲା l ପ୍ରଥମେ ଅପରେସନ ଦଳ ଟସ୍ ଜିତି ନିର୍ଧାରିତ ୩୦ ଓଭରରେ ୮ ଉଇକେଟ୍ ହରାଇ ୧୬୬ ରନ୍ ସଂଗ୍ରହ କରିଥିଲେ। ଏହାର ଜବାବରେ ମାଇନ୍ସ ଦଳ ନିର୍ଧାରିତ ଓଭର ପୂର୍ବରୁ ୪ ଉଇକେଟ ହରାଇ ଆବଶ୍ୟକ ରନ୍ ସଂଗ୍ରହ କରି ବିଜୟ ଲାଭ କରିଥିଲା। ମାଇନ୍ସ ଦଳର କସ୍ତୁବ ପଟ୍ଟନାୟକଙ୍କୁ ଉଚ୍ଚ ମାନର ବୋଲିଂ ପାଇଁ ପ୍ଲେୟାର ଅଫ୍ ଦି ମ୍ୟାଚ ଘୋଷଣା କରାଯାଇଥିଲା । ଓସିଏ ପେନାଲ୍ ଅମ୍ପାୟର ତେଜନ କୁମାର ଦୁର୍ଗା ଓ ଚୂଡ଼ାମଣି ପାଢ଼ୀ ମ୍ୟାଚ ପରିଚାଳନା କରିଥିବାବେଳେ ନିର୍ମଳ କୁମାର ରାଉତ ଓ ଦୁଷ୍ମନ୍ତ ପଟ୍ଟନାୟକ ସ୍କୋରର୍ ଥିଲେ l ଅନ୍ୟ ମାନଙ୍କ ମଧ୍ୟରେ ନାଲକୋ ଅଧିନସ୍ଥ କର୍ମଚାରୀ ମାନେ ସକ୍ରିୟ ଅଂଶଗ୍ରହଣ କରି ପରିଚାଳନାରେ ସହଯୋଗ କରିଥିଲେ l