ପରିତ୍ୟକ୍ତ କୂଅ ରୁ ଉଦ୍ଧାର ହେଲା ହାତୀ ଛୁଆ

ରାଇକିଆ, (ପ୍ରଦୀପ ବେହେରା) :-କନ୍ଧମାଳ ଜିଲ୍ଲା ରାଇକିଆ ବ୍ଲକ୍ ର ବାରବା ରେଞ୍ଜର ପଳାଶପଲ୍ଲୀ ଗ୍ରାମ ର ଏକ ପରିତ୍ୟକ୍ତ କୂଅ ରେ ଗୁରୁବାର ରାତ୍ର ରୁ ଏକ ୪/୫ ବର୍ଷ ର ହାତୀ ଛୁଆ ଖସି ପଡ଼ିଥିଲା ।  ବନ ବିଭାଗ ଓ ଗ୍ରାମବାସୀ ଙ୍କ ଅବିରତ ଉଦ୍ୟମ ପରେ ଶୁକ୍ରବାର ମଧ୍ୟାହ୍ନ ରେ ହାତୀ ଛୁଆ କୁ ବାହାର କରା ଯାଇଛି ।  ଏହି ଅଞ୍ଚଳ ରେ ହାତୀ ପଲ ଙ୍କ ର ନିୟମିତ ଚଳ ପ୍ରଚଳ ରହିଛି ।  ଗୁରୁବାର ସନ୍ଧ୍ୟା ରୁ  ହାତୀ ପଲ ଏହି ଅଞ୍ଚଳ ରେ ଘୁରି ବୁଲୁଥିଲେ । ରାତ୍ର ରେ ଛୁଆ ହାତୀ ଟି କୂଅ ଖସି  ଯିବା ପରେ ସକାଳୁ ବନ ବିଭାଗ ହାତୀ ଉଦ୍ଧାର ପାଇଁ ସ୍ୱତନ୍ତ୍ର ଅପରେସନ ଆରମ୍ଭ କରି ଥିଲା  ।  ହାତୀପଲ ଙ୍କ ଚଳପ୍ରଚଳ କୁ ଦୃଷ୍ଟି ରେ ରଖି ଗତକାଲି ସନ୍ଧ୍ୟା ରୁ ବିଦ୍ୟୁତ୍ ସେବା ମଧ୍ୟ ଏହି ଅଞ୍ଚଳ ରେ ବିଛିନ୍ନ କରାଯାଇଥିଲା ।