ପାଣିରେ ବୁଡି ୨ ଶ୍ରମିକ ମୃତ

ନୂଆପଡା,(ଯୁଗାବ୍ଦ ନ୍ୟୁଜ୍) : ନୂଆପଡା ଜିଲ୍ଲା ସିନାପାଲି ନିକଟରେ ଥିବା ଧାଙ୍କରି ଜୋର ବ୍ରିଜ ନିକଟରେ ଗାଧୋଉଥିବା ସମୟରେ ପାଣିରେ ବୁଡି ୨ ଜଣ ଶ୍ରମିକଙ୍କର ମୃତ୍ୟୁ ହୋଇଥିବା ଜଣାପଡିଛି ।ମୃତକ ଜଣକ ପରିଚୟ ସୁଧିର ବିରୁଆ (୩୦) ଅନ୍ୟ ଜଣେ ଡୁବଳିଆ ବିରୁଆ (୨୦) ବୋଲି ଜଣାପଡିଛି । ମିଳିଥିବା ଖବର ଅନୁଯାୟୀ ଝାଡଖଣ୍ଡରୁ ୪ଜଣ ଯୁବକ ଘରୋଇ ବିପିଏଲ ପରିବାରଙ୍କୁ ବିଦ୍ୟୁତ୍ ସଂଯୋଗ ପାଇଁ ଆସି ସିନାପାଲିରେ ରହୁଥିଲେ । ଆଜି ସକାଳୁ ଦୁଇଜଣ ଯୁବକ ମିଶି ସ୍ତାନୀୟ ବ୍ରିଜ ନିକଟକୁ ଗାଧୋଇବାକୁ ଯାଇଥିଲେ । କିନ୍ତୁ ସେ ଅସାବଧାନତା କାରଣରୁ ଜଣେ ପାଣିରେ ଭାସି ଯାଉଥିବା ସମୟରେ ଅନ୍ୟ ଜଣେ ସାଥି ତାଙ୍କୁ ରକ୍ଷା କରିବାକୁ ଯାଇ ସେ ବି ପାରିରେ ଭାସି ବୁଡିଯାଇଥିଲେ । ଜଣେ ବ୍ୟକ୍ତିର ଶବ ସ୍ଥାନୀୟ ଲୋକ ଉଦ୍ଧାର କରିଥିବା ବେଳେ ଅନ୍ୟ ଜଣେ ଯୁବକର ଶବ ମିଳିନଥିବାରୁ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ବହୁ ଖୋଜା ଖୋଳି କରି ଉଦ୍ଧାର କରିଥିଲେ ।