ପାରଳାରେ ସିମେଣ୍ଟ୍ ସାମଗ୍ରୀ ଫ୍ୟାକ୍ଟିରେ ନିଆଁ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ମହକୁମା ପାରଳାଖେମୁଣ୍ଡି ସହରର ମକାତୋଟାମା ମନ୍ଦିର ନିକଟସ୍ଥ ମାରୁତି ନଗରର ଶ୍ରୀଜୟରାମ ସିମେଣ୍ଟ୍ ୱାର୍କସ୍ ଫ୍ୟାକ୍ସିରେ ନିଆଁ ଲାଗି ୧୦ ଲକ୍ଷ ଟଙ୍କାର ମେସିନ୍ ସହ ବିଭିନ୍ନ ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି। ଅଗ୍ନିକାଣ୍ଡରେ ଫ୍ୟାକ୍ଟିରେ ଥିବା ଦୁଇ କୁକୁର ଜୀବନ୍ତ ଦଗ୍ଧ ହୋଇ ଯାଇଥିବା ଦେଖିବାକୁ ମିଳିଛି। ସର୍ଟସର୍କିଟ୍ଯୋଗୁଁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି।ଗତକାଲି ସନ୍ଧ୍ୟାରେ ଫ୍ୟାକ୍ଟିରୁ ଧୂଆଁ ବାହାରୁଥିବା ସ୍ଥାନୀୟ ଲୋକେ ଦେଖି ଅଗ୍ନିଶମ ବିଭାଗକୁ ଖବର ଦେଇଥିଲେ | ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ କରିଥିଲେ । ସେଠାରେ ସିମେଣ୍ଟ୍ ଦ୍ବାରା ବିଭିନ୍ନ ସାମଗ୍ରୀ ତିଆରି ହେଉଥିଲା। ମଧ୍ୟାହ୍ନରେ ସମସ୍ତେ ଖାଇବା ପାଇଁ ଯାଇଥିବା ବେଳେ ଅଗ୍ନିକାଣ୍ଡ ଘଟିଥିଲା।
