ପାରଳା ଆସନରୁ ବିଜୟ କୁମାର ପଟ୍ଟନାୟକ କଂଗ୍ରେସ ଓ କେ. ନାରାୟଣ ରାଓ ବିଜେପି ପ୍ରାର୍ଥୀ ଘୋଷିତ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ବିଧାନସଭା ଆସନ ପାଇଁ ଉଭୟ କଂଗ୍ରେସ ଓ ବିଜେପି ପ୍ରାର୍ଥୀ ଘୋଷଣା କରିଛନ୍ତି। ଅନ୍ୟପକ୍ଷରେ ବିଜେଡି ଜିଲ୍ଲାର ଉଭୟ ପାରଳାଖେମୁଣ୍ଡି ଏବଂ ମୋହନା ନିର୍ବାଚନ ମଣ୍ଡଳୀ ପାଇଁ ପ୍ରାର୍ଥୀ ଘୋଷଣା କରିନାହିଁ । କଂଗ୍ରେସ ତରଫରୁ ପାରଳାଖେମୁଣ୍ଡି ବିଧାନସଭା ଆସନ ପାଇଁ ପୂର୍ବତନ ମୁଖ୍ୟ ଶାସନ ସଚିବ ବିଜୟ କୁମାର ପଟ୍ଟନାୟକଙ୍କୁ ପ୍ରାର୍ଥୀ କରିଛି। ଅନ୍ୟପକ୍ଷରେ ବିଜେପି ପୁଣି ଥରେ ଆସ୍ଥା ପ୍ରକଟ କରି ବିଧାୟକ ତଥା ଗଜପତି ବିଜେପି ସଭାପତି କେ ନାରାୟଣ ରାଓଙ୍କୁ ପ୍ରାର୍ଥୀ କରିଛି। ଏହି ନିର୍ବାଚନ ମଣ୍ଡଳୀରେ ପ୍ରମୁଖ ତିନି ଦଳ ମଧ୍ଯରୁ ଦୁଇ ଜାତୀୟ ଦଳ ପ୍ରାର୍ଥୀତ୍ବ ଦେଇ ସାରିଥିବା ବେଳେ ପଲାଭାରି ଥିବା ବିଜେଡି ଦଳୀୟ ପ୍ରାର୍ଥୀ ଘୋଷଣା କରିନାହିଁ I ଚଳିତ ଥର ପାରଳା ବିଧାନ ସଭା ଆସନ ପାଇଁ ତ୍ରିମୁଖୀ ଲଢେଇ ହେବା ସମ୍ଭାବନା ରହିଛି।