ପାରଳା ଇନ୍ଡୋର ଷ୍ଟାଡିୟାମରେ ବିଶ୍ୱ କ୍ରୀଡା ଦିବସ ପାଳିତ
ପାରଳାଖେମୁଣ୍ଡି,(ତାରିଣୀ ପ୍ରସାଦ ପଣ୍ଡା):ଆଜି ବିଶ୍ୱ କ୍ରୀଡା ଦିବସ ଅଟେ । ଏହି ଅବସରରେ ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ଠାରେ ଥିବା ଇନ୍ଡୋର ଷ୍ଟାଡିୟାମରେ ବିଶ୍ୱ କ୍ରୀଡା ଦିବସ ପାଳିତ କରାଯାଇଛି । ଏଥି ପାଇଁ ବିଶିଷ୍ଟ ହକୀ ଖେଳାଳୀ ଧ୍ୟାନଚାନ୍ଦଙ୍କ ଫୋଟଚିତ୍ରରେ ମାଲ୍ୟାର୍ପଣ କରାଯାଇଥିଲା । ସେ ସାରା ଦେଶରେ ସମସ୍ତ କ୍ରୀଡାବିତ୍ ମାନଙ୍କ ପାଇଁ ସର୍ବଦା ପ୍ରେରଣାର ଉତ୍ସ ହୋଇ ରହିବେ ବୋଲି ଏହି କାର୍ଯ୍ୟକ୍ରମରେ ଆଲୋଚନା ହୋଇଥିଲା । ସେହିପରି ଅପରାହ୍ନରେ ଭିଡିଓ କନ୍ଫରେନସିଂ ଦ୍ୱାରା କ୍ରୀଡାବିତ୍ ମାନଙ୍କୁ ସମ୍ମାନୀତ କରିବା ପାଇଁ କାର୍ଯ୍ୟକ୍ରମ ରହିଛି । ଗଜପତି ଜିଲ୍ଲା ମୋହନା ବ୍ଲକ ଅଡବା ପଞ୍ଚାୟତର ଅଡାପଙ୍କା ଗ୍ରାମର ଶୀବାନୀ ଗମାଙ୍ଗଙ୍କୁ ରାଜ୍ୟସ୍ତରୀୟ ଖୋକ ପ୍ରତିଭା ପାଇଁ ମୁଖ୍ୟମନ୍ତ୍ରୀ ପୁରସ୍କୃତ କରିବାକୁ କାର୍ଯ୍ୟକ୍ରମ ସ୍ଥିର ହୋଇଛି । ସେହିପରି ଗଜପତି ଜିଲ୍ଲା ଶିକ୍ଷାଧିକାରୀଙ୍କ କାର୍ଯ୍ୟାଳୟ ପରିସରରେ ମଧ୍ୟ ବିଶ୍ୱକ୍ରୀଡା ଦିବସ ପାଳନ କରାଯାଇଛି । ଏଥିରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷଧିକାରୀ ପ୍ରଦୀପ କୁମାର ନାଗ ଯୋଗ ଦେଇଥିଲେ ।
