ପାରଳା ରାଜଦାଣ୍ଡ ମୁଖ୍ୟରାସ୍ତା ନବୀକରଣ ଆରମ୍ଭ

ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ପାରଳାଖେମୁଣ୍ଡିର ମୁଖ୍ୟ ରାସ୍ତା ରାଜଦାଣ୍ଡର ରାସ୍ତା ନବୀକରଣ କାର୍ଯ୍ୟ ଆରମ୍ଭ କରାଯାଇଛି. ଏଠାରେ ସୂଚନାଯୋଗ୍ୟଯେ, ଗଜପତି ଉତ୍ସବର ପ୍ରସ୍ତୁତି ବୈଠକ ବେଳେ ପାରଳାଖେମୁଣ୍ଡି ରାଜଦାଣ୍ଡ ମୁଖ୍ୟରାସ୍ତାକୁ ନବୀକରଣ କରିବା ପାଇଁ ଦାବି ଜୋର ଧରିଥିଲା। ବୈଠକରେ ଉପସ୍ଥିତ ଥିବା ପୌରାଧ୍ୟକ୍ଷା ଖୁବଶୀଘ୍ର ପଦକ୍ଷେପ ନିଆଯିବ ବୋଲି ମତବ୍ୟକ୍ତ କରିଥିବା ବେଳେ ତୁରନ୍ତ ଏହାର ନବୀକରଣ କାର୍ଯ୍ୟ ଆରମ୍ଭ ହୋଇଛି। ବିଳମ୍ବରେ ହେଲେ ମଧ୍ୟ ଏହି କାର୍ଯ୍ୟ ହୋଇଥିବାରୁ ପାରଳାଖେମୁଣ୍ଡି ପୌରପାଳିକାର ତ୍ବରିତ୍‌ ପଦକ୍ଷେପକୁ ଅଞ୍ଚଳବାସୀ ସ୍ବାଗତ ଜଣାଇଛନ୍ତି । ପୂର୍ବରୁ ପ୍ରତିବର୍ଷ ରଥଯାତ୍ରା ସମୟରେ ପୌରପାଳିକ ପକ୍ଷରୁ ରାଜଦାଣ୍ଡ ମୁଖ୍ୟରାସ୍ତାକୁ ମରାମତି କିମ୍ବା ନୂତନ ନିର୍ମାଣ ହେଉଥିଲା। ସୂଚନାଯୋଗ୍ୟଯେ ଗତ କିଛିମାସ ପୂର୍ବେ ରାତି ସମୟରେ ଯନ୍ତ୍ରୀଙ୍କ ଅନୁପସ୍ଥିତିରେ ଠିକ ସଂସ୍ଥା ରାସ୍ତା ନିର୍ମାଣ କାମ କରୁଥିବା ବେଳେ ଏହାକୁ କିଛି କାଉନ୍ସିଲର ବିରୋଧ କରିଥିଲେ । ଫଳରେ ସେହିଦିନ ଠାରୁ ରାସ୍ତା ନବୀକରଣ ବନ୍ଦ ରହିଥିଲା । ବର୍ତ୍ତମାନ ଏହି ନବୀକରଣ କାର୍ଯ୍ୟ ଆରମ୍ଭ ହୋଇଥିବାରୁ ସାଧାରଣରେ ସନ୍ତୋଷ ପ୍ରକାଶ ପାଇଛି.