ପିଆଜ ଟ୍ରକ୍ରେ ବନାରସ୍କୁ ଗଞ୍ଜେଇ ଚୋରା ଚାଲାଣ ୩୮ବସ୍ତା ଜବତ,୨ଗିରଫ
ପାରଳାଖେମୁଣ୍ଡି, (ତାରିଣୀ ପ୍ରସାଦ ପଣ୍ଡା):ମୋହନା ପୋଲିସ ଦ୍ୱାରା ଏକ ପିଆଜ ଟ୍ରକ୍ରେ ବନାରସ୍କୁ ଗଞ୍ଜେଇ ଚୋରା ଚାଲାଣ ହେବା ସମୟରେ ଜବତ କରାଯାଇଛି । ଏଥିରୁ ୩୮ ବସ୍ତା ଗଞ୍ଜେଇ ଜବତ କରାଯାଇ ଏଥିରେ ସଂପୃକ୍ତ ଥିବା ୨ଜଣଙ୍କୁ ଗିରଫ କରାଯାଇଛି । ଗଜପତି ଏସପି ତପନ କୁମାର ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଏସଡିପିଓ ଅଶୋକ କୁମାର ମହାନ୍ତିଙ୍କ ତତ୍ୱାବଧାନରେ ମୋହନା ପୋଲିସ ଲୁହାଗୁଡି ରାସ୍ତାରେ ପେଟ୍ରୋଲିଂ କରିବା ସମୟରେ ଏକ ୧୪ଚକିଆ ଟ୍ରକକୁ ଅଟକାଇ ଯଞ୍ଚ କରିଥିଲେ । ସେଥିରୁ ପୋଲିସ ପିଆଜ ବସ୍ତା ସହ ୩୮ଗୋଟି ଗଞ୍ଜେଇ ବସ୍ତା ଜବତ କରିଥିଲେ । ରାଉରକେଲା ଅଞ୍ଚଳର ନିଖିଲ କୁମାର ଓ ଅନୁରାଗ କୁମାର ଏହି ଟ୍ରକକୁ ଉତ୍ତରପ୍ରଦେଶର ବନାରସ୍କୁ ଚୋରା ଚାଲାଣ କରୁଥିଲେ । ଏହି ଗଞ୍ଜେଇର ପରିମାଣ ୧୦ କ୍ୱିଣ୍ଟାଲ ୫୭କେଜି ୫ଶହ ଗ୍ରାମ ବୋଲି ଜଣାପଡିଛି । ଏହାର ଆନୁମାନିକ ମୁଲ୍ୟ ୫୦ଲକ୍ଷଟଙ୍କା ହେବ ବୋଲି ମୋହନା ଥାନାଅଧିକାରୀ ସୁଜିତ କୁମାର ନାୟକ ସୁଚନା ଦେଇଛନ୍ତି । ପୋଲିସ ଉକ୍ତ ଟ୍ରକ୍କୁ ଜବତ କରିବା ସହ ୨ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ଘଟଣାକୁ ନେଇ ମୋହନା ଥାନାରେ ୧୨୦/୨୦ନମ୍ବରରେ ଏକ ମାମଲା ରୁଜୁ ହୋଇଥିବା ଜଣାପଡିଛି ।
