ପୂର୍ତ୍ତ ବିଭାଗ ଡାକବଙ୍ଗଳରେ ବାର୍ଷିକ ବୈଠକ

ରାଇରଙ୍ଗପୁର , (ଯୁଗାବ୍ଦ ନ୍ୟୁଜ) : ଭାରତର ସର୍ବଭାରତୀୟ ଏସି, ଏସଟି , ପଛୁଆ ବର୍ଗ, ଏବଂ ସଂଖ୍ୟା ଲଘୁ ସରକାରୀ କର୍ମଚାରୀ ସଂଗଠନ ‘ସେବାସ୍ତମ୍ଭ’, ମୟୂରଭଞ୍ଜ ଶିଖା ତରଫରୁ ରାଇରଙ୍ଗପୁରସ୍ଥ ପୂର୍ତ୍ତ ବିଭାଗ ଡାକବଙ୍ଗଳରେ ରବିବାର ଦିନ ବାର୍ଷିକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ମୟୂରଭଞ୍ଜ ଶାଖା ଜିଲ୍ଲା ସଭାପତି ଜଗତ ଚନ୍ଦ୍ର ମାଝୀ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ ସେବାସ୍ତମ ରାଷ୍ଟ୍ରୀୟ ସଂପାଦକ ଅଧ୍ୟାପକ ବିଜୟ ରାମ ଯୋଗ ଦେଇଥିଲେ ପ୍ରଥମେ ସମସ୍ତଙ୍କୁ ନୂଆ ବର୍ଷର ଶୁଭେଚ୍ଛା ଜଣାଇଥିଲେ । ପରେ କାର୍ଯ୍ୟକ୍ରମରେ ଏହି ସରକାରୀ ସର୍ବଭାରତୀୟ ସଂଗଠନ ସମସ୍ତ ପଛୁଆ ଅନୂସୂଚିତ ଜାତି, ଜନଜାତି, ପଛୁଆ ବର୍ଗ,ଓ ସଂଖ୍ୟାଲଘୁ ମାନଙ୍କର ସାମାଜିକ, ଆର୍ଥିକ, ରାଜନୈତିକ ବିକାଶ ପାଇଁ ସଦା ସର୍ବଦା ଚେଷ୍ଟିତ । ଉକ୍ତ କାର୍ଯ୍ୟକ୍ରମରେ ସଂଗଠନର ଉପଦେଷ୍ଟା ମୋଚିରାମ ମାଝୀ, ସଂପାଦକ ପାଲ ମୁର୍ମୁ,ସନ୍ତୋଷିନୀ ରାମ,ସୁବାସିନି ମୁଣ୍ଡା,ବିମଳା ସୋରେନ୍, ସୁଲୋଚନା ମୁର୍ମୁ, ଯୋଗେଶ୍ୱର ଚାତାର, ମହମ୍ମଦ ହୁସେନ,ଅଧ୍ୟାପକ ରାଜେଶ ରାମ, ଡଃ ସାଗରାମ ଟୁଡୁ,ପ୍ରତାପ ହେମ୍ବ୍ରମ, ବିନୋଦ ବେହେରାଙ୍କ ସମେତ ଶତାଧିକ କର୍ମଚାରୀ ଯୋଗ ଦେଇଥିଲେ । ସେମାନେ କର୍ମକ୍ଷେତ୍ରରେ କିଭଳି ସମସ୍ୟାର ସମ୍ମୁଖୀନ ହେଉଛନ୍ତି ତାହା କହିଥିଲେ । ସମସ୍ତେ ମିଳିମିଶି କାମ କଲେ ନିଶ୍ଚିତ ସମସ୍ତେ ସମସ୍ତଙ୍କ ଅସୁବିଧାରେ ଠିଆ ହେଲେ ସମାଧାନ ହୋଇପାରିବ ବୋଲି ଅତିଥି ଗଣ କହିଥିଲେ ।