ପୂର୍ବତନ ସରପଂଚ ଙ୍କ ପରଲୋକ
ସାନଖେମୁଣ୍ଡି, (ପଦ୍ମଲୋଚନ ପାଣିଗ୍ରାହୀ ) :-ସାନଖେମୁଣ୍ଡି ବ୍ଲକ୍ ପି. ରାମଚନ୍ଦ୍ରପୁର ପଞ୍ଚାୟତ ର ପୂର୍ବତନ ସରପଂଚ ପ୍ରଭାକର ବିଷୋୟୀ (୩୮) ଙ୍କ ସୋମବାର ଭୋରୁ ପରଲୋକ ଘଟିଛି l ମୃତୁ ସମୟରେ ଝିଅ, ପୁଅ, ସ୍ତ୍ରୀ ଓ ପରିବାର ଲୋକମାନେ ଉପସ୍ଥିତ ଥିଲେ l ପ୍ରଭାକର ୨୦୧୨ ରେ ପି. ରାମଚନ୍ଦ୍ରପୁର ପଂଚାୟତରେ ନିର୍ବାଚିତ ହୋଇ ସରପଞ୍ଚ ଥିଲେ l ସେ ପଞ୍ଚାୟତ ର ଉନ୍ନତି କରିବା ସହ ଲୋକଙ୍କ ପାଇଁ ପ୍ରିୟଭାଜନ ହୋଇ ପାରିଥିଲେ l ସାନଖେମୁଣ୍ଡି ବ୍ଲକ୍ ର ଆଦର୍ଶ ସରପଞ୍ଚ ଭାବେ ସମାଜ ପକ୍ଷରୁ ବ୍ରହ୍ମପୁରରେ ପୁରସ୍କୃତ ହୋଇଛନ୍ତି।ଏହା ସହ ସେ ବିଜେଡ଼ିର ର ଜଣେ ଯୁବ ବିଜେଡି କର୍ମୀ ମଧ୍ୟ ଥିଲେ l ସେ କିଛି ଦିନ ହେବ ହୃଦ୍ ରୋଗରେ ଆକ୍ରାନ୍ତ ହୋଇ ବ୍ରହ୍ମପୁର ଏକ ଘୋରାଇ ଚିକିତ୍ସାଳୟ ରେ ଶଯ୍ୟାଶୟୀ ଥିଲେ l ତାଙ୍କ ବିୟୋଗରେ ସାନଖେମୁଣ୍ଡି ପୂର୍ବତନ ବିଧାୟକ ନନ୍ଦିନୀ ଦେବୀ, ବ୍ଲକ୍ ବିଜେଡି ସଭାପତି ନୀଳମାଧବ ରାଉତ, ସହଦେଵ ପ୍ରଧାନ, ଯୁବ ବିଜେଡି ନେତା ପିଣ୍ଟୁ ସ୍ଵାଇଁ, ପରୀ ରେଡ୍ଡୀ, ବିଜୟ ଭୁୟାଁ ,ଅଳୟ ଦାସ, ଶ୍ରୀମନ୍ତ ସ୍ଵାଇଁ, ଅମିନ ପ୍ରଧାନ,ରଞ୍ଜନ ସ୍ଵାଇଁ, ଚିନ୍ତାମଣିତ୍ରୀପାଠୀ ପ୍ରମୁଖ ଶୋକ ପ୍ରକାଶ କରିଛନ୍ତି l ଅପର ପକ୍ଷେ ତାଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳିଯାଇଛି l
