ପୋଖରୀରେ ବୁଡି ଛାତ୍ର ମୃତ

ଛତ୍ରପୁର,: ଶନିବାର ସକାଳ ୮ ଟାରେ ଜଣେ ଛାତ୍ରଙ୍କ ମୃତ୍ୟ ଖବର ପ୍ରକାଶ ପାଇଥିଲ। ଏନେଇ ଚାରିଆଡେ ଶୋକାକୁଳ ପରିବେଶ ସୃଷ୍ଟି ହୋଇଥିଲ।। ମୃତ ଛାତ୍ରଜଣଙ୍କ ଛତ୍ରପୁର ବ୍ଲକ କଣମଣା ପଂଚାୟତ ଡୁବୁଲି ଛକ ଓଡିଆରପି କଲୋନୀର ସଞ୍ଜୟ ସେଠୀଙ୍କ ଘରେ ଘଟିଛି । ସଞ୍ଜୟ ସେଠୀଙ୍କ ଏକମାତ୍ର ପୁତ୍ର ତୃତୀୟ ଶ୍ରେୀଣୀର ଛାତ୍ର ଦିଗାମ୍ବର ସେଠୀ(୧୧) କଲୋନୀ ନିକଟରେ ଥିବା ଅସ୍ଥାୟୀ ପୋଖରୀରେ ବୁଡି ମୃତ୍ୟୁ ହୋଇଥିବା ସୂଚନା ମିଳିଛି । ଦିଗାମ୍ବର ଜଣେ ଦିବ୍ୟାଙ୍ଗ ଛାତ୍ର ଥିଲେ । ଦିଗାମ୍ବରଙ୍କ ମା’ ଆଜି ସକାଳ ୭ ଟାରେ ସେହି ପୋଖରୀକୁ ଲୁଗା ସଫା କରିବାକୁ ଯାଇଥିବା ବେଳେ ଦିଗାମ୍ବର ତାଙ୍କ ପଛରେ ଯାଇଥିଲା । ଏହା ତାଙ୍କରି ମା’ ଜାଣିନିଥିଲେ । ମା’କାମ ସାରି ଘରକୁ ଫେରିଥିଲେ । କିଛି ସମୟ ଅନ୍ତରରେ ଘରକୁ ଖବର ଆସିଥିଲା ଯେ, ତୁମର ପୁତ୍ର ଦିଗାମ୍ବର ପୋଖରୀରେ ବୁଡି ଭାସୁଛି । ଏହା ଶୁଣିବା ମାତ୍ରେ ଦିଗାମ୍ବରଙ୍କ ମା’ ଚେତାଶୂନ୍ୟ ହୋଇଥିଲେ । ଦିଗାମ୍ବରକୁ ସଂଗେ ସଂଗେ ଛତ୍ରପୁର ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଚମାଖଣ୍ଡି ଥାନା ପୁଲିସ ଘଟଣା ସ୍ଥଳେ ପହଂଚି ମୃତ ଛାତ୍ରର ଶବ ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଥିଲେ ।