ପୋଡାପଦର ଗ୍ରାମ ଠାରେ ଆମ ପୁଲିସ ସମିତିର ବୈଠକ

ଛତ୍ରପୁର, ,(ଯୁଗାବ୍ଦ ନ୍ୟୁଜ୍‌) : ଛତ୍ରପୁର ଥାନା ର ଆମ ପୁଲିସ ସମିତି ପକ୍ଷରୁ ପୋଡାପାଦର ଗ୍ରାମର ରାଜୀବ ଗାନ୍ଧୀ ସେବା କେନ୍ଦ୍ର ପରିସରରେ ସଡକ ସୁରକ୍ଷା ଓ ଟ୍ରାଫିକ ସଚେତନତା ଉପରେ ଏକ କାର୍ଯ୍ୟକ୍ରମ ପୋଡାପଦର ସରପଂଚ ଓ ଛତ୍ରପୁର ଥାନା ଅଧିକାରୀ ପ୍ରିୟସ୍ ରଂଜନ ଛୋଟରାୟଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା । ଏଥିରେ ଛତ୍ରପୁର ଏସଡିପିଓ ଗୈାତମ କିଷାନ ଯୋଗଦେଇ ସଡକ ସୁରକ୍ଷା ଓ ଟ୍ରାଫିକର ବିଭିନ୍ନ ନୀୟମ ଉପରେ ସଚେତନତା କରିବା ସହ ସୋଲା ସିୟମ ସ୍କିମ ଜରିଆରେ ରାଜ୍ୟ ସରକାରଙ୍କ ତରଫରୁ ହିଟ୍ ଏବଂ ରନ୍ ମୋଟର ଯାନ ଦୁର୍ଘଟଣା ମାମଲାର ସହାୟତା ଉପରେ କହିଥିଲେ । ପୁଲିସ ଜନସାଧାରଣଙ୍କ ମଧ୍ୟରେ ସମନ୍ୱୟ ରହିଲେ ବିଭିନ୍ନ ସମସ୍ୟା ଦୂର ହୋଇପାରିବ । ଏହାସହ ଗୁଣି ଗାରେଡି, ଅନ୍ଧ ବିଶ୍ୱାସ, ସାଇବର କ୍ରାଇମ୍ , ବିଭିନ୍ନ ଠକେଇ ଉପରେ ସଚେତନତା ରହିବେ ସେଥି ପ୍ରତି ସତର୍କ ରହିବାକୁ କହିଥିଲେ । ପଂଚାୟତ କୁମାର ବେଗପଲ୍ଲୀ, ହୁମର ଓ ପୋଡାପଦର ଗ୍ରାମର ମୁଖ୍ୟ ରାସ୍ତାରେ ସିସିଟିଭି କ୍ୟାମେରା ଲଗାଇବା ନିମନ୍ତେ କୁହାଯାଇଥିଲ।। ଏହି ସଚେତନତା କାର୍ଯ୍ୟକ୍ରମରେ ପୂର୍ବତନ ସମିତି ସଭ୍ୟ ସାନୁ ସେଠୀ, ଗଜେନ୍ଦ୍ର ପଲାଇ, ମୁନା ପରିଡା , ନାଇଡୁ ଶ୍ରୀନୁଙ୍କ ସମେତ ପଂଚାୟତର ବହୁ ବୁଦ୍ଧିଜିବୀ ମାନେ ଉପସ୍ଥିତ ଥିଲେ ।