ବଚସା ରୁ ହତ୍ୟାକାଣ୍ଡ, ଅଭିଯୁକ୍ତ ଗିରଫ

ରାଇକିଆ, (ଯୁଗାବ୍ଦ ନ୍ୟୁଜ):କନ୍ଧମାଳ ଜିଲ୍ଲା ରାଇକିଆ ଥାନା ପେଟା ପାଙ୍ଗା ଗ୍ରାମ ରେ ଗତ ଅଗଷ୍ଟ ୨୮ ତାରିଖ ରାତ୍ର ରେ ହୋଇଥିବା ହତ୍ୟାକାଣ୍ଡ ଘଟଣା ର ଅଭିଯୁକ୍ତ କୁ ସୋମବାର ରାଇକିଆ ପୋଲିସ ଗିରଫ କରି କୋର୍ଟ ଚାଲାଣ କରିଛି । ରାତ୍ର ରେ ସାମାନ୍ୟ ବଚସା କୁ ନେଇ ନେଇ ଏହି ହତ୍ୟାକାଣ୍ଡ ଘଟିଥିବା ଅଭିଯୁକ୍ତ ପୋଲିସ ଆଗରେ ପ୍ରକାଶ କରିଛି । କୌଣସି କାରଣ କୁ ନେଇ ମୃତ ସୁରଥ ନାୟକ ଏବଂ ଭବାନୀ ଶଙ୍କର ନାୟକ ଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା । ଏଥିରେ ଉତକ୍ଷୀପ୍ତ ହୋଇ ଭବାନୀ ସୁରଥ କୁ ଠେଲି ଦେବା ସହ ଇଟା ରେ ଆକ୍ରମଣ କରିବାରୁ ସୁରଥ ଗୁରୁତର ଆହତ ହେଇଥିଲେ । ପ୍ରଥମେ ଟିକାବାଲି ସ୍ଵସ୍ଥକେନ୍ଦ୍ର ଏବଂ ପରେ ଫୁଲବାଣୀ ଜିଲ୍ଲା ଚିକିତ୍ସାଳୟରେ ଭର୍ତ୍ତି କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା । ପରିବାର ଲୋକଙ୍କ ଅଭିଯୋଗ କ୍ରମେ ଏ ନେଇ ରାଇକିଆ ଥାନା ରେ ୯୭/୨୩ ରେ ମାମଲା ରୁଜୁ କରାଯାଇଥିଲା ।