ବଜ୍ରଘାତରେ ଚତୁର୍ଥଶ୍ରେଣୀ ଛାତ୍ରର ମୃତ୍ୟୁ

ହାଟଡ଼ିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ସୁଲଣ ପଞ୍ଚାୟତ ଜଳସରପୁର ଗ୍ରାମରେ ଘଟି ଯାଇଛି ଏକ ଦୁଖଃଦ ଘଟଣା । ସ୍କୁଲରୁ ଫେରିବା ବାଟରେ ବଜ୍ରାଘାତରେ ଜଣେ ଛାତ୍ରର ଜୀବନ ଯାଇଛି । ସୁଚନାରୁ ଜଣାଯାଇଛି ଯେ ଗ୍ରାମର ମଙ୍ଗୁଳି ବେହେରାଙ୍କ ୮ବର୍ଷର ପୁଅ ରାଜେଶ ବେହେରା ଜଳସରପୁର ପ୍ରାଥମିକ ବିଦ୍ୟାଳୟରେ ୪ର୍ଥ ଶ୍ରେଣୀରେ ପଢ଼େ । ଆଜି ଅପରାହ୍ନ ୪ଟା ବେଳେ ସ୍କୁଲ ଛୁଟି ହେବାପରେ ସେ ସ ତାର ସହପାଠୀ ଓ ତାର ସହପାଠୀ ଗଙ୍ଗାଧର ସାଙ୍ଗ ହୋଇ ଘରକୁ ଫେରୁଥିବା ସମୟରେ ଅଚାନକ ବଜ୍ରପାତ ଘଟିଥିଲା । ଏଥିରେ ରାଜେଶ ଗୁରୁତର ହୋଇ ପଡିଥିବାବେଳେ ଗଙ୍ଗାଧର କିଛି ସମୟ ପାଇଁ ଅଚେତ ହୋଇ ପଡିଥିଲା । ଗ୍ରାମବାସୀ ମାନେ ତୁରନ୍ତ ରାଜେଶର ପରିବାର ଲୋକଙ୍କୁ ଜଣାଇବା ସହିତ ଏକ ଅଟୋ କରି ତାକୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ନେଇ ଯାଇଥିବାବେଳେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ । ଗଙ୍ଗାଧର ସୁସ୍ଥ ଥିବା ଜଣାଯାଇଛି ।