ବଡ଼ରମ୍ପାସ ସେବା ସମବାୟ ସମିତିର ବାର୍ଷିକ ବୈଠକ ଅନୁଷ୍ଠିତ

ହାଟଡିହି, (ବିକାଶ ବିଶ୍ୱାଳ):ହାଟଡିହି ବ୍ଲକ ବଡରମ୍ପାସ ପଞ୍ଚାୟତ ସମିତି କାର୍ଯ୍ୟାଳୟ ଠାରେ ବଡ଼ରମ୍ପାସ ସେବା ସମବାୟ ସମିତିର ବାର୍ଷିକ ସାଧାରଣ ସଭା ଅନୁଷ୍ଠିତ ହୋଇଯାଇଛି। ସମିତିର ସଭାପତି ନିରଞ୍ଜନ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଆନନ୍ଦପୁର ବିଧାୟକ ଅଭିମନ୍ୟୁ ସେଠୀ, ବ୍ଲକ ଅକ୍ଷା ସାବିତ୍ରୀ ସେଠୀ, ଏଆରସିମ୍ଏସ ଆନନ୍ଦପୁର ସର୍କଲର ବିକାଶ କୁମାର ନାୟକ, ଶାଖା ପରିଚାଳକ ରଶ୍ମି ରଞ୍ଜନ ଜେନା, ସୁପରଭାଇଜର ସୁରେଶ କୁମାର ପେଡା, ସରପଞ୍ଚ ରତିନ୍ଦ୍ର ଜେନା, ଇଞ୍ଚୋଳ ସରପଞ୍ଚ ସଶ୍ମିତା ମହାପାତ୍ର, ସମିତି ସଭ୍ୟ ବାବନ ସେଠୀ ପ୍ରମୁଖ ଯୋଗଦେଇ ସମିତିର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ। ଅଧିକାଂଶ ଚାଷୀ ଋଣ ସୁଝୁନଥିବାରୁ କିପରି ସେମାନଙ୍କଠାରୁ ବକେୟା ଋଣ ଆଦାୟ ହେବ ସେନେଇ ସବିଶେଷ ଆଲୋଚନା ହୋଇଥିଲା। ଚ଼ଳିତବର୍ଷ ବଡ଼ରମ୍ପାସ ସେବା ସମବାୟ ସମିତି ଜିଲ୍ଲାର ଦ୍ୱିତୀୟ ସ୍ଥାନ ଅଧିକାର କରିଥିବାରୁ ବିଧାୟକ ଶ୍ରୀ ସେଠୀ ସମସ୍ତ କର୍ମକର୍ତାଙ୍କୁ ସାଧୁବାଦ ଓ ଶୁଭେଚ୍ଛା ଜଣାଇଥିଲେ। କୃଷକମାନେ ଯେପରି ସବୁ ପ୍ରକାର ସୁବିଧା ସୁଯୋଗ ପାଇ ପାରିବେ ତାଉପରେ ଗୁରୁତ୍ୱ ଦିଆଯାଇଥିଲା । ସମିତିର ସମ୍ପାଦକ ଦେବାଶିଷ ଧଳ କାର୍ଯ୍ୟକ୍ରମ ସମ୍ପାଦାନ କରିଥିବା ବେଳେ ପରିଚାଳନା ପରିଷଦର ସମସ୍ତ ସଦସ୍ୟ ଓ ସମିତିର ସମସ୍ତ ସଭ୍ୟସସଭ୍ୟା ଯୋଗଳେଇ ଥିଲେ।