‘ବଧାଇ ହୋ ୨’ରେ ଆୟୁଷ୍ମାନଙ୍କ ସ୍ଥାନ ନେଲେ ରାଜକୁମାର
ଏବେ ବଲିଉଡ୍ର ୟଙ୍ଗ ଟ୍ୟାଲେଣ୍ଟେଡ୍ ଷ୍ଟାର୍ ଆୟୁଷ୍ମାନ ଖୁରାନାଙ୍କ ଅଭିନୟକୁ ଦର୍ଶକ ବେଶ୍ ପସନ୍ଦ କରୁଛନ୍ତି। ସେ ଏବେ ବ୍ୟାକ୍ ଟୁ ବ୍ୟାକ୍ ହିଟ୍ ପିଲ୍ମ ଦେଇଛନ୍ତି। ତାଙ୍କ ଅଭିନୀତ ଫିଲ୍ମ ‘ବଧାଇ ହୋ’ ବକ୍ସ ଅଫିସ୍ରେ ଜବରଦସ୍ତ ଆୟ କରିଥିଲା। ଏହି ଫିଲ୍ମଟି ଦର୍ଶକଙ୍କୁ ହସାଇ ହସାଇ ବେଦମ୍ କରିଥିଲା। ଫିଲ୍ମରେ ଆୟୁଷ୍ମାନଙ୍କ ଅଭିନୟକୁ ଦର୍ଶକ ବେଶ୍ ପସନ୍ଦ କରିଥିଲେ। ଏହି ଫିଲ୍ମ ଦେଖିବା ପରେ ନିର୍ଦେଶକମାନେ ଆୟୁଷ୍ମାନଙ୍କୁ ନିଜ ଫିଲ୍ମରେ ନେବାକୁ ଚାହିଁଲେ। ତାଙ୍କ ହାତରେ ଏବେ ଢେର୍ ପ୍ରୋଜେକ୍ଟ। ହେଲେ ତାଙ୍କର ଏହି ସୁପରହିଟ୍ ଫିଲ୍ମର ସିକ୍ୱେଲ୍ ‘ବଧାଇ ହୋ ୨’ରେ ତାଙ୍କ ସ୍ଥାନରେ ବଲିଉଡ୍ର ଆଉ ଜଣେ ୟଙ୍ଗ ଟ୍ୟାଲେଣ୍ଟ ରାଜକୁମାର ରାଓଙ୍କୁ ନିଆଯାଇଛି।
ଏହି ଫିଲ୍ମରେ ରାଜକୁମାର୍ଙ୍କ ସହ ଭୂମି ପେଦନେକର୍ଙ୍କୁ ଦେଖିବାକୁ ମିଳିବ। ଏହି ଦୁଇ କଳାକାର ନିଜ ଅଭିନୟ ବଳରେ ଖୁବ କମ୍ ଦିନ ମଧ୍ୟରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିସାରିଛନ୍ତି। ତେବେ ପ୍ରଥମଥର ପାଇଁ ଏମାନେ ଏକାଠି କାମ କରିବାକୁ ଯାଉଛନ୍ତି। ଏହି ଫିଲ୍ମ ଜରିଆରେ ଦର୍ଶକଙ୍କୁ ଏକ ନୂଆ ଯୋଡ଼ି ଦେଖିବାକୁ ମିଳିବ। ଫିଲ୍ମରେ ଲିଡ୍ ରୋଲ୍ ମିଳିବା ପରେ ରାଜକୁମାର କହିଛନ୍ତି ଯେ ସେ ଏହି ଫିଲ୍ମରେ ଜଣେ ପୋଲିସ୍ କର୍ମାଙ୍କ ରୋଲ୍ରେ ନଜର ଆସିବେ। ପୂର୍ବରୁ ପୋଲିସ୍ ଭୂମିକାରେ ଅଭିନୟ କରିଥିଲେ ବି ଏଭଳି ଅନ୍ଦାଜରେ ସେ ପ୍ରଥମ ଥର ପାଇଁ କାମ କରିବେ। ସେଥିପାଇଁ ସେ ବେଶ୍ ଉତ୍ସାହିତ ଅଛନ୍ତି। ଭୂମି ମଧ୍ୟ ଏହି ଫିଲ୍ମ ନେଇ ବେଶ୍ ଉତ୍ସାହିତ ଅଛନ୍ତି। ସେ କହିଛନ୍ତି ଯେ ଗତ କିଛି ସମୟ ଭିତରେ ରିଲିଜ୍ ହୋଇଥିବା ଫିଲ୍ମଗୁଡ଼ିକ ମଧ୍ୟରୁ ‘ବଧାଇ ହୋ’ ତାଙ୍କର ସବୁଠୁ ପସନ୍ଦର ଫିଲ୍ମ। ତେଣୁ ଏହାର ସିକ୍ୱେଲ୍ରେ କାମ କରିବା ତାଙ୍କ ପାଇଁ ବେଶ୍ ରୋଚକ ହେବ। ସେ ଆହୁରି କହିଛନ୍ତି ଯେ ସେ ଏହାଠୁ ଭଲ ସ୍କ୍ରିପ୍ଟ ପଢ଼ିନାହାନ୍ତି ଓ ସେ ଶୀଘ୍ର ଏହି ଫିଲ୍ମର ଅଂଶ ହେବାକୁ ଚାହୁଁଛନ୍ତି।
‘ବଧାଇ ହୋ’ ଭଳି ଏହି ଫିଲ୍ମର ସିକ୍ୱେଲ୍ ‘ବଧାଇ ହୋ ୨’ ମଧ୍ୟ ସମାଜକୁ ଏକ ଭଲ ବାର୍ତ୍ତା ଦେବ। ସୂଚନା ଅନୁଯାୟୀ ଫିଲ୍ମର ଶୁଟିଂ ଜୁନ୍ ୨୦୨୦ରେ ହେବ ଓ ୨୦୨୧ରେ ଏହାକୁ ରିଲଜ୍ କରାଯିବ। ଚର୍ଚ୍ଚା ହେଉଛି ଯେ ଫିଲ୍ମର ଟାଇଟଲ୍କୁ ବଦଳାଇ ନିର୍ମାତା ଏହାର ନାଁ ‘ବଧାଇ ଦୋ’ ରଖିଛନ୍ତି। ସୂଚନାଯୋଗ୍ୟ, ‘ବଧାଇ ହୋ’ ଫିଲ୍ମଟି ୨୦୧୮ ଅକ୍ଟୋବର୍ ୧୮ରେ ରିଲିଜ୍ ହୋଇଥିଲା। ଏଥିରେ ଲିଡ୍ ରୋଲ୍ରେ ଆୟୁଷ୍ମାନ୍ ଖୁରାନା ଓ ସାନ୍ନା ମଲହୋତ୍ରା ନଜର ଆସିଥିଲେ। ତାଙ୍କ ବ୍ୟତୀତ ଏହି ଫିଲ୍ମ ଜରିଆରେ ପୂରୁଣା କଳାକାର ନୀନା ଗୁପ୍ତା, ଗଜକାଜ ରାଓ ଓ ସୁରେଖା ସିକ୍ରିଙ୍କ ପରି କଳାକାର ପୁଣିଥରେ ବଲିଉଡ୍କୁ ଧମାକାଦାର୍ କମ୍ବ୍ୟାକ୍ କରିଥିଲେ। ଫିଲ୍ମରେ ପ୍ରତ୍ୟେକଟି କଳାକାରଙ୍କ ଅଭିନୟକୁ ବେଶ୍ ପ୍ରଶଂଶା ମିଳିଥିଲା। ଅମିତ ଶର୍ମାଙ୍କ ନିର୍ଦେଶନାରେ ତିଆରି ହୋଇଥିଲା ଏହି ଫିଲ୍ମ। ମାତ୍ର ୨୯ କୋଟି ଟଙ୍କା ବଜେଟ୍ରେ ତିଆରି ହୋଇଥିବା ଏହି ଫିଲ୍ମ ବକ୍ସ ଅଫିସ୍ରେ ୨୪୦ କୋଟିରୁ ଅଧିକ ଆୟ କରିଥିଲା।
