ବରିଷ୍ଠ ନାଗରିକ ମହାମଞ୍ଚ ପକ୍ଷରୁ ମକରମିଳନ ଓ ସମ୍ବର୍ଦ୍ଧନା ସମାରୋହ!
କୋଣାର୍କ,(ଗଣେଶ ଚନ୍ଦ୍ର ବେହେରା): କୋଣାର୍କର ଅଗ୍ରଣୀ ସାମାଜିକ ସଂଗଠନ ଅର୍କଶ୍ରୀ ଆନୁକୁଲ୍ୟରେ ଶିଳ୍ପୀ ବାଟିକା ଠାରେ ବରିଷ୍ଠ ନାଗରିକ ମହାମଞ୍ଚ ପକ୍ଷରୁ ପବିତ୍ର ମକରସଂକ୍ରାନ୍ତି ଉପଲକ୍ଷେ ମକର ମିଳନ ଓ ସମ୍ବର୍ଦ୍ଧନା ସମାରୋହ ଅନୁଷ୍ଠିତ ହୋଇଯାଇଛି! ବରିଷ୍ଠ ନାଗରିକ ମହାମଞ୍ଚର ଆବାହକ ତଥା ସାମାଜିକ ଅନୁଷ୍ଠାନ ଅର୍କଶ୍ରୀର ସମ୍ପାଦକ ଉମେଶଚନ୍ଦ୍ର ସ୍ୱାଇଁ ଙ୍କ ସଭାପତିତ୍ବରେ ଅନୁଷ୍ଠିତ ଏହି ସମ୍ବର୍ଦ୍ଧନା ଓ ମହାମଞ୍ଚର ସାଙ୍ଗଠନିକ ବୈଠକରେ ସୋଲାରର ସମ୍ପାଦକ ହରିଶ ଚନ୍ଦ୍ର ଦାଶ, ପୂର୍ବତନ କାଉନସିଲର ସଂଯୁକ୍ତା ତ୍ରିପାଠୀ,ଗୁରୁ ଜୟ କୃଷ୍ଣ ନାୟକ ପ୍ରମୁଖ ଯୋଗଦେଇ କେନ୍ଦ୍ର ଓ ରାଜ୍ୟ ସରକାରଙ୍କ ବରିଷ୍ଠ ନାଗରିକ ମାନଙ୍କ ଯୋଜନା ସମ୍ପର୍କରେ କରାଇବା,ପ୍ରତି ପଞ୍ଚାୟତରେ ବରିଷ୍ଠ ନାଗରିକ ମଞ୍ଚ ଗଠନ,କୃଷକ,ମହିଳା, କଳାକାର,ବରିଷ୍ଠ ନାଗରିକ ମାନେ କିଭଳି ଭାବେ ସରକାରଙ୍କ ସମସ୍ତ ଯୋଜନା ସମ୍ବନ୍ଧରେ ଜାଣିବା ସହ ତାର ସଫଳ ରୂପାୟନ ପାଇପାରିବେ କାର୍ଯ୍ୟପନ୍ଥା ନିର୍ଦ୍ଧାରଣ କରିବା ସମ୍ପର୍କରେ ବକ୍ତା ମାନେ ମତବ୍ୟକ୍ତ କରିଥିଲେ । ଏହି ଅବସରରେ ବରିଷ୍ଠ ନାଗରିକ ମାନଙ୍କୁ ଚିତ୍ରଶିଳ୍ପୀ ମାନେ ଚିତ୍ର ଆଙ୍କି ସ୍ଵାଗତ କରିଥିଲେ! ଏହି ଅବସରରେ ବାରିଷ୍ଠ ନାଗରିକ ମାନଙ୍କୁ ପୁଷ୍ପ ଗୁଚ୍ଛ ପ୍ରଦାନ କରାଯାଇ ସ୍ଵାଗତ କରିଥିଲେ । ଏହି କାର୍ଯ୍ୟକ୍ରମ କୁ ଅର୍କଶ୍ରୀ କାର୍ଯ୍ୟକ୍ରମ ଅଧିକାରୀ ସୁରେଶ ଚନ୍ଦ୍ର ସ୍ଵାଇଁ, ସ୍ଵଚ୍ଛସାଥୀ ସୁୁଦୀପ୍ତା ମହାନ୍ତି, ବିଷ୍ନୁପ୍ରିୟା ପାଇଟାଳ, ଝୁନଲତା ମଲ୍ଲ,ମମତା ବୀଣାକର,ସଞ୍ଜୁ ଲତା ସ୍ୱାଇଁ,ସୁସମା ପ୍ରଧାନ ପ୍ରମୁଖ ପରିଚାଳନା କରିଥିଲେ ।
