ବଲାଙ୍ଗିର କଂଗ୍ରେସ କୁ ବଡ ଝଟକା
ନିର୍ବାଚନ ତାରିଖ ଘୋଷଣା ହୋଇସାରିଛି । କିଛି ଦିନ ପରେ ହେବ ମତଦାନ । ରାଜନୈତିକ ଦଳ ଛାଡ଼ିବା ଓ ମିଶ୍ରଣ ପର୍ବ ଜାରି ରହିଛି । ବିଗତ କିଛି ଦିନ ଧରି ବହୁ ବରିଷ୍ଠ ତଥା ଟାଣୁଆ ନେତା ଦଳ ଛାଡ଼ୁଛନ୍ତି । ଆଜି କଂଗ୍ରେସରୁ ବଲାଙ୍ଗୀରର ୯ଜଣ ନେତା ଇସ୍ତଫା ଦେଇଛନ୍ତି ।
ଅଳ୍ପ ଦିନ ବାକି ରହିଲା ନିର୍ବାଚନ । ସବୁ ରାଜନୈତିକ ଦଳର ଟିକେଟ ବଣ୍ଟନ ସହ ପ୍ରସ୍ତୁତି ଚୂଡ଼ାନ୍ତ ପର୍ୟର୍୍ୟାୟରେ ପହଂଚିଲାଣି । କଂଗ୍ରେସ ପକ୍ଷରୁ ପ୍ରାର୍ଥୀ ତାଲିକା ଘୋଷଣା ହୋଇସାରିଛି । ଆଜି ବଲାଙ୍ଗୀରର ୧୨ଜଣ କଂଗ୍ରେସ ନେତା ଦଳରୁ ଇସ୍ତଫା ଦେଇଥିବା ସୂଚନା ମିଳିଛି । କଂଗ୍ରେସର ସ୍ଥିତିକୁ ଅଡ଼ୁଆରେ ପକାଇ ଆଜି ଅନେକ ବରିଷ୍ଠ ନେତା ଦଳ ଛାଡ଼ିଛନ୍ତି । କଂଗ୍ରେସ ପିସିସି ସାଧାରଣ ସଂପାଦକ ଲକ୍ଷ୍ମଣ ମେହେର , ପୂର୍ବତନ ଜିଲ୍ଲା କଂଗ୍ରେସ ସଭାପତି ଭଗବାନ ବଗର୍ତ୍ତି ,ଦେଓଗାଁ ବ୍ଲକ ଅଧ୍ୟକ୍ଷା ରୀନା ମେହେରଙ୍କ ସହ ଅନ୍ୟ ୯ଜଣ ଟାଣୁଆ ନେତା ଆଜି କଂଗେଅସରୁ ଇସ୍ତଫା ଦେଇଛନ୍ତି । କଂଗ୍ରେସ ଦଳ ଉପରେ ସେମାନଙ୍କ ବିଷ ଓଗାଳି ଆଜି ନିଜ ଇସ୍ତଫା ପତ୍ର ଦଳର ମୁଖିଆଙ୍କୁ ପଠାଇ ଦେଇଛନ୍ତି । ଦଳ ସେମାନଙ୍କୁ ଅଣଦେଖା କରୁଥିବା ଅଭିଯୋଗ କରି ଦଳ ଛାଡ଼ିଛନ୍ତି ।
