ବସନ୍ତ ର ପର୍ବ ଆମ ଚଇତାଳି ଉଦଘାଟିତ
ନିମାପଡ଼ା, (ସନ୍ତୋଷ ଦାଶ):ନିମାପଡା ପ୍ରେସ କ୍ଲବ ଆୟୋଜିତ ବସନ୍ତର ପର୍ବ ଆମ ଚଇତାଳି କୁ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ପ୍ରଦୀପ ପ୍ରଜୋଳନ କରି ଉଦଘାଟିତ କରିଛନ୍ତି ।ରାଜ୍ୟ ବାହାରୁ ଏବଂ ରାଜ୍ୟର ବିଭିନ୍ନ ପ୍ରାନ୍ତରୁ ବହୁ ପ୍ରତିଷ୍ଠିତ ସାଂସ୍କୃତିକ ଅନୁଷ୍ଠାନ ମାନେ ନୃତ୍ୟ,ସଙ୍ଗୀତ ପରିବେଷଣ କରି ପାଞ୍ଚ ଦିନ ପର୍ଯ୍ୟନ୍ତ ଝୁମେଇବେ ଦର୍ଶକଙ୍କୁ। ଆୟୋଜିତ ଉଦଘାଟନ ଉତ୍ସବ ରେ ମୁଖ୍ୟ ଅତିଥି ଭାବେ ମନ୍ତ୍ରୀ ଶ୍ରୀ ଦାଶ ଯୋଗ ଦେଇ ଥିବାବେଳେ ସମ୍ମାନୀତ ଅତିଥି ଭାବେ ବିଶିଷ୍ଟ ଶିକ୍ଷାବିତ ଯୋଗେନ୍ଦ୍ର ଚନ୍ଦ୍ର ମିଶ୍ର, ନିମାପଡ଼ା ମହାବିଦ୍ୟାଳୟ ପରିଚାଳନା କମିଟିର ସଭାପତି ଜଗତ ପ୍ରସାଦ ସାବୁତ,ପଞ୍ଚାୟତ ସମିତି ଅଧ୍ୟକ୍ଷ ଶଙ୍କର ଭୋଇ, କାଉନସିଲର ଅନସୂୟା ପାଣି,କବିତା ତରାଇ,ବେଣୁଧର ସେନାପତି, ସମାଜସେବୀ ମହେନ୍ଦ୍ର ସିଂ ଭାଟିଆ, ଭାନୁକୁମାର ସେଠୀ,ପ୍ରେସ କ୍ଲବ ସଭାପତି ରଞ୍ଜନ କୁମାର ପଟ୍ଟନାୟକ ଏବଂ ସମ୍ପାଦକ ରାଜକିଶୋର ଦାଶ ପ୍ରମୁଖ ଉପସ୍ଥିତ ଥିଲେ।ଏହି ଅବସରରେ କବି କାଳିକିଙ୍କର ଦାଶ,ବିମାନ ଶିଳ୍ପୀ ରତ୍ନାକର ମହାରଣା, କ୍ରୀଡାବିତ ନିର୍ମଳ କୁମାର ମିଶ୍ର,ସାମ୍ବାଦିକ ମିଲନ କୁମାର ମହାନ୍ତି,ଭାନୁକୁମାର ସେଠୀଙ୍କୁ ସମ୍ବର୍ଦ୍ଧିତ କରାଯାଇଥିଲା। ଉଦଘାଟନୀ ଦିବସରେ ନିମାପଡାର ଅଗ୍ରଣୀ ନୃତ୍ୟାନୁଷ୍ଠାନ ନୃତ୍ୟାଳୟ ଡ୍ୟାନ୍ସ ଏକାଡେମୀ ପକ୍ଷରୁ ଓଡ଼ିଶୀ ନୃତ୍ୟ ଏବଂ କୋଣାର୍କ ର ମା ବୈଦେଇ କଳା ପରିଷଦର ଆକର୍ଷଣୀୟ ଘୋଡାନାଚ ଦର୍ଶକମାନଙ୍କୁ ବାନ୍ଧି ରଖିଥିଲା। ପ୍ରେସ କ୍ଲବର ସମସ୍ତ ସଦସ୍ୟ/ସଦସ୍ୟା କାର୍ଯ୍ୟକ୍ରମରେ ସହଯୋଗ କରିଥିଲେ।


